کورونا ایڈوائزری گروپ نے خطرناک انتباہ جاری کردیا

کورونا ایڈوائزری گروپ نے خطرناک انتباہ جاری کردیا

احتیاط نہ برتی تو کورونا وبا واپس آسکتی ہے، کورونا ایڈوائزری گروپ نے ایک بار پھر خبردار کر دیا۔

کورونا ایڈوائزری گروپ نے موذی وائرس بارے خطرے کی گھنٹی بجا دی، حکام کا کہنا ہے کہ ایس اوپیز پر عمل نہ کیا تو کورونا بارے آنے والے دن خطرناک ہو سکتے ہیں۔

محکمہ صحت ذرائع کے مطابق 80 فیصد سے زائد شہریوں نے ایس اوپیز پرعملدرآمد چھوڑ دیا ہے۔ 75 فیصد شہری ماسک ہی نہیں پہنتے جبکہ 85 فیصد سماجی فاصلہ اور ہینڈ سینی ٹائزر استعمال کرنا بھول چکے۔

حجام، بیوٹی سیلونز، بازار، شاپنگ مالز اور دفاتر میں ایس اوپیز پرعملدرآمد نہیں ہو رہا۔ انتظامیہ اور محکمہ صحت کی جانب سے ایس اوپیز کی خلاف ورزی پر ایکشن نہیں لیا جاتا۔ ادھر شہریوں کا کہنا ہے کہ کورونا ختم ہوچکا، دوبارہ آئے گا تو احتیاط کرلیں گے۔

ٹرمپ کے پرسنل اٹینڈنٹ کو بھی کورونا ہوگیا

کورونا ایکسپرٹ ایڈوائزری گروپ کے ممبر پروفیسر اسد اسلم کہتے ہیں، عوام غیرسنجیدہ رویہ اپنا رہے ہیں ، موسم کی تبدیلی سے وائرس واپس آسکتا ہے۔ حکام نے مزید کہا کہ ایس او پیز پر عمل نہ کیا تو کسی بھی پریشان کن صورتحال کا سامنا کرنا پڑسکتا ہے۔
ادھر کورونا سے ملک بھر میں‌ مزید 6 افراد جان کی بازی ہار گئے جس کے بعد اموات کی مجموعی تعداد 6 ہزار 513 تک پہنچ گئی۔ 24 گھنٹوں کے دوران مزید 632 کیسز رپورٹ ہوئے ہیں۔

این سی او سی کے مطابق ملک بھر میں کورونا کے ایکٹو کیسز کی تعداد نو ہزار ایک سو پینتیس ہو گئی ہے، 511 مریضوں کی حالت تشویشناک ہے جبکہ 2 لاکھ 98 ہزار968 مریض صحت یاب ہو چکے ہیں۔ گزشتہ 24گھنٹے کے دوران کورونا کے 33 ہزار 725 ٹیسٹ کیے گئے جن میں سے مزید 632 افراد کے کورونا میں مبتلا ہونے کا انکشاف ہوا ہے۔ اس طرح متاثرین کی مجموعی تعداد تین لاکھ چودہ ہزار چھ سو سولہ ہو گئ