پاکستان میں گزشتہ 24 گھنٹوں کے دوران وبا کورونا کے باعث مزید 66 افراد جاں بحق ہوگئے۔
باغی ٹی وی : نیشنل کماند اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں 56 ہزار 279کورونا ٹیسٹ کیے گئے جس کے نتیجے میں 3 ہزار 800 کورونا کیسز رپورٹ ہوئے گزشتہ 24 گھنٹے میں کورونا مثبت کیسز کی شرح 6.75 فیصد رہی-
این سی او سی کے مطابق گزشتہ 24 گھنٹے میں ملک بھر میں کوروناکے مجموعی کیسز کی تعداد 11 لاکھ 56ہزار 641 جبکہ ملک بھرمیں کورونا کے باعث اموات کی مجموعی تعداد 25 ہزار 670 ہو گئی۔
کورونا کی چوتھی لہر: ایس اوپیز کے اطلاق کا دائرہ کار 27شہروں تک بڑھا دیا گیا
سندھ میں کورونا کے کیسز کی تعداد 4 لاکھ 30 ہزار 594، خیبر پختونخوا میں ایک لاکھ 61 ہزار 381، پنجاب میں تین لاکھ 91 ہزار 297، اسلام آباد میں 98 ہزار 951، بلوچستان میں 32 ہزار 200، آزاد کشمیر میں 31 ہزار 988 اور گلگت بلتستان میں 9 ہزار 870 ہو گئی ہے۔
کورونا کے سبب سب سے زیادہ اموات پنجاب میں ہوئی ہیں جہاں 11 ہزار 823 افراد جان کی بازی ہار چکے ہیں جبکہ سندھ میں 6 ہزار 834، خیبرپختونخوا میں 4 ہزار 944، اسلام آباد 863، گلگت بلتستان 173، بلوچستان میں 338 اور آزاد کشمیر میں 695 افراد جان کی بازی ہار چکے ہیں-
