عالمگیر وبا کورونا وائرس کے باعث احد رضا میر کا تھیٹر پلے موخر

پاکستان ڈرامہ انڈسٹری کے معروف و مقبول اداکار احد رضا میر نے سوشل میڈیا پر عالمگیر وبا کورونا کے باعث لندن میں ہونے والے تھیٹر کے ملتوی ہونے پر افسوس کا اظہار کیا ہے-

باغی ٹی وی :احد رضا میر نے سماجی رابطی کی ویب سائٹ سوشل نسٹاگرام پر اپنی ایک تصویر شیئر کرتے ہوئے بتایا کہ عالمی وبا کے باعث رواں سال برطانیہ میں تھیٹرنہیں کر سکیں گے-
https://www.instagram.com/p/CEJ6iPnprmW/
احد رضا میر نے لکھا کہ ہونا یا نہ ہونا ، بدقسمتی سے اس سال ہم تھیٹر نہیں کریں گے،روز تھیٹر اور میں نے ہملیٹ کی تیاری کو اگلے سال تک ملتوی کرنے کا فیصلہ کیا ہے۔

احد رضا میر نے اپنی پوسٹ میں لکھا کہ تھیٹر کا یوں موخر کیا جانا ایک عجیب تجربہ ہے لیکن ہم سب مل کر شیکسپیئر کے لفظوں کا جادو جگانے کیلئے جلد ملیں گے۔

اداکار نے اپنے مداحوں کا شکریہ ادا کرتے ہوئے لکھا کہ ہمیں دی جانے والی محبت کے لئے میرے تمام مداحوں کا شکریہ۔

خیال رہے کہ ہیملٹ عظیم انگریزی مصنف اور ناول نگار ولیم شیکسپیئر کی تصنیف ہے جسے روز تھیٹر کی جانب سے لندن میں پیش کیا جانا تھا لیکن اب اسے 2021 تک موخر کردیا گیا ہے۔

واضح رہے کہ احد رضا میر نے گزشتہ سال جون میں کینیڈا میں ہونے والی ایک ایوارڈ شو کی تقریب میں بہترین انٹرنیشنل تھیٹر اداکار کا ایوارڈ جیتا تھااحد کو یہ ایوارڈ مقبول تھیٹر پلے ’ہیملٹ اے گھوسٹ اسٹوری‘ میں بہترین پرفارمنس پر دیا گیا تھا-