کورونا وائرس کی شرح میں ایک بار پھر اضافہ

ملک میں گزشتہ 24 گھنٹوں کے دوران کورونا وائرس  کے مثبت کیسز کی شرح میں ایک بار پھر اضافہ دیکھنے میں آیا ہے

قومی ادارہ صحت  کے مطابق ملک میں  کورونا   وائرس ایک بار پھر سر اٹھانے لگا ، ملک میں گزشتہ 24 گھنٹوں کے دوران کورونا وائرس سے    2 افراد انتقال کر گئےتھے جبکہ  217 کیسز رپورٹ ہوئے ہیں۔ 

COVID-19 Statistics 23 August 2022
Total Tests in Last 24 Hours: 11,285
Positive Cases: 217
Positivity %: 1.92%
Deaths: 02
Patients on Critical Care: 116

— NIH Pakistan (@NIH_Pakistan) August 23, 2022

ملک میں گزشتہ24 گھنٹوں میں کورونا کے  11 ہزار285  ٹیسٹ کیے گئے ہیں، قومی ادارہ صحت  کے مطابق ملک میں کوروناکےمثبت کیسزکی شرح 1.92 فیصد رہی جبکہ کورونا کے116 مریضوں کی حالت تشویشناک ہے۔

پاکستان میں کورونا وبا کے کیسز میں ایک بار پھر اضافہ ہونے کے سبب ہوائی سفر، پبلک ٹرانسپورٹ میں  ماسک لگانے کی پابندی دوبارہ عائد کی گئی ہے ۔پاکستان میں گزشتہ چند ماہ میں کووڈ کیسز کی شرح انتہائی کم رہی، جس کی وجہ سے کورونا وبا کے دوران لگائی گئی تمام پابندیاں بھی ہٹا دی گئی تھیں۔

ملک  میں ایک بار پھر کورونا کیسز کی شرح میں اضافے کے بعد قومی ادارۂ صحت (این آئی ایچ) نے شہریوں کو ماسک کا استعمال کرنے کی ہدایت کی ہے ۔ قومی ادارہ صحت  کے مطابق ملک میں ویکسینیشن کے اہل عوام  کو کووڈ 19 کے خلاف مکمل ویکسین بھی لگا دی گئی ہے. اور مزید لوگوں کو بتایا جارہا ہے کہ آپ اس وائرس سے بچنے کیلئے صرف اور صرف احتیاطی تدابیر اپنا کر ہی محفوظ رہ سکتے ہیں.

نیشنل کمانڈ اینڈ آپریشنز کے مطابق: 2020ء میں اس وبائی مرض کے پھیلاؤ کے بعد سے رواں سال مارچ میں کیسز کی تعداد کم  ترین سطح پر تھی لیکن اب ان کیسز میں اضافہ دیکھنے میں آرہا ہے۔ اور یہ اضافہ خطرناک بھی ہوسکتا ہے لیکن ہم پھر بھی اسے کنٹرول کرنے اور اس سے بچنے کی احتیاطی تدابیر سے متعلق آگاہ کررہے ہیں.
 واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا.

محکمہ پرائمری اینڈ سیکنڈری ہیلتھ کیئرپنجاب نے کوروناوائرس کے گزشتہ چوبیس گھنٹوں کے اعدادوشمارجاری کردیئے ہیں تمام شہری خاص طور پر کورونا کی مکمل احتیاط کو یقینی بنائیں۔ ہم صرف ویکسی نیشن اوراحتیاط کے ذریعے ہی کورونا وائرس کے پھیلاؤ کو روک سکتے ہیں

سیکرٹری صحت کے مطابق: گزشتہ 24 گھنٹوں کے دوران صوبہ بھر سے کورونا کیسز 101 نئے کیسز سامنے آئے ہیں۔ صوبہ بھر میں کورونا کے کیسز کی کل تعداد 519,958 ہو چکی ہے۔ اب تک صوبہ بھر میں 503,023 مریض علاج کے بعد مکمل صحت یاب ہو کر اپنے گھروں کو واپس جاچکے ہیں۔

انہوں نے مزید کہا کہ: گزشتہ چوبیس گھنٹوں کے دوران صوبہ بھر میں کورونا کے باعث فیصل آباد سے 2 ہلاکتیں رپورٹ ہوئی ہیں۔ صوبہ بھر میں کورونا کے باعث اموات کی کل تعداد 13,600 ہو چکی ہے۔

واضح رہے کہ گزشتہ 24 گھنٹوں کے دوران کورونا کے 5123 تشخیصی ٹیسٹ کئے گئے ہیں۔ صوبہ بھر میں کورونا کےاب تک مجموعی طور پر 11,837,529 تشخیصی ٹیسٹ کئے جاچکے ہیں۔ گزشتہ 24 گھنٹوں کے دوران لاہور سے کورونا وائرس سے 82 جبکہ راولپنڈی سے 6 کیسز رپورٹ ہوئے۔

سیکرٹری صحت نے بتایا: گزشتہ 24 گھنٹوں کے دوران فیصل آباد سے 4، سیالکوٹ، منڈی بہاوالدین اور قصور سے 2دو کیسز رپورٹ ہوئے۔ گزشتہ چوبیس گھنٹوں کے دوران بہاولپور، چینیوٹ اور لودھراں سے 1ایک کیس رپورٹ ہوا۔ گزشتہ چوبیس گھنٹوں کے دوران صوبہ بھر کے تمام شہروں میں کورونا کے مثبت کیسز کی مجموعی شرح 2.0 فیصد ریکارڈ کی گئی ہے۔

سیکرٹری صحت کا کہنا تھا کہ: گزشتہ چوبیس گھنٹوں کے دوران لاہور میں کرونا وائرس کے مثبت کیسز کی شرح 5.6 فیصد، فیصل آباد سے 0.7 فیصد ریکارڈ کی گئی ہے۔ گزشتہ چوبیس گھنٹوں کے دوران قصور میں مثبت کیسز کی شرح 2.7 فیصد اور راولپنڈی سے 1.1 ریکارڈ کی گئی۔ شہری کورونا کے خلاف خصوصی حفاظتی تدابیر اختیار کرکے خود کو محفوظ بنائیں۔

سیکرٹری صحت نے کہا سماجی فاصلے اور ماسک کے استعمال کوہرصورت یقینی بنائیں، 12 سال سے زائد عمر کے تمام شہری کورونا وائرس سے بچاؤ کی ویکسین لازمی اور فوری لگوائیں، عوام کسی بھی قسم کی رہنمائی یا شکایات کے لئے1033 پر رابطہ کرسکتے ہیں۔