کرونا سے اموات میں اضافہ ہورہا جبکہ اپوزیشن کو اپنے مفادات کی فکر ہے. وزیراعلیٰ پنجاب

کرونا سے اموات میں اضافہ ہورہا جبکہ اپوزیشن کو اپنے مفادات کی فکر ہے. وزیراعلیٰ پنجاب

باغی ٹی وی رپورٹ کے مطابق : وزیر اعلی پنجاب عثمان بزدارنے کہا ہے کہ کورونا وبا سے اموات میں اضافہ ہو رہا ہے لیکن پی ڈی ایم جماعتوں کو صرف اپنے ایجنڈے کی فکر ہے، اپوزیشن کی منفی سیاست پر شدید افسوس ہے ۔

وزیر اعلی پنجاب سردار عثمان بزدار کا کہنا ہے کہ اپوزیشن کی انتشار کی سیاست قوم مسترد کرتی ہے ،بد قسمتی سے اپوزیشن کی 11 جماعتوں نے کورونا وائرس کو بھی پارٹنر بنا لیا ہے۔ اپوزیشن کورونا وائرس کو تیزی سے پھیلانے کا باعث بن رہی ہے ایک طرف کرونا سے ہسپتال بھر رہے ہیں ،اموات میں اضافہ ہو رہا ہے دوسری طرف اپوزشن کو اپنے منفی ایجنڈے کی تکمیل کی فکر ہے ،اپوزیشن اپنی کرپشن کے وائرس سے بچنے کے لئے قوم کو کورونا وائرس کا شکار کر رہی ہے۔

انہوں نے کہا کہ اپوزیشن کے جلسوں کا کوئی ایحنڈا نہیں، اپوزیشن صرف اور صرف اپنے کرپشن کے کیسز کئ فائلز کو بند کروانا چاہتی ہے۔ اپوزیشن جان لے ان جلسوں سے کورونا تو بڑھ سکتا ہے اپوزیشن کی این آر او کی خواہشن پوری نہیں ہوُسکتی۔ زندہ دلان لاہور آج پی ڈی ایم کی منفی سیاست کو ہمیشہ کے لئے مسترد کر دیں گے، قانون توڑنے والوں کو قانون کی گرفت کا سامنا کرنا پڑے گا۔

مریم نواز شریف کا جلسہ گاہ کا دورہ ۔۔۔ pic.twitter.com/ueRLFLaJ2C

— Zeeshan Malik (@ZeshanMalick) December 12, 2020

واضح‌رہےکہ آج اپوزیشن مینار پاکستان لاہور میں‌جلسہ کر رہی ہے . مینار پاکستان گراؤنڈ میں سیاسی جماعتوں کے کارکنان کی بڑی تعداد موجود ہے،کارکنان نے پارٹی پرچم اٹھا رکھے ہیں، حکومت کی طرف سے دعویٰ کیا گیا ہے کہ جلسے کے لئے آنے والے افراد کو نہیں روکا جائے گا تا ہم جلسہ گاہ کے اطراف والے علاقے میں سمارٹ لاک ڈاؤں نافذ کر دیا گیا ہے.

پنڈال میں کرونا ایس او پیز کو مد نظر رکھتے ہوئے کرسیاں لگائی گئی ہین تا ہم اطلاعات کے مطابق جلسہ گاہ سے کرسیاں‌رش بڑھنے کے بعد ہٹا لی جائیں گی،مریم اور بلاول کل جلسہ گاۃ میں ایک ساتھ پہنچیں گے،بلاول کا جلسے میں آنے کے لئے روٹ جاری کر دیا گیا ہے