کرونا ایس اوپیزنےحج بھی مہنگا ترین کردیا:7 لاکھ روپے تک اخراجات کا تخمینہ

اسلام آباد: کرونا ایس اوپیزنےحج بھی مہنگا ترین کردیا:7 لاکھ روپے تک اخراجات کا تخمینہ ،اطلاعات کے مطابق اس سال گزشتہ سال کی نسبت حج مزید مہنگا ہوگیا اورایک محتاط اندازے کے مطابق پاکستانیوں کے لیے حج اخراجات کے لیے 7 لاکھ روپے تک اخراجات آسکتے ہیں

دوسری طرف حکومت پاکستان یہ کوشش کررہی ہے کہ اخراجات کو کم سے کم رکھا جائے لیکن عالمی قوانین اورسعودی ایس او پیز روکاوٹ بنے ہوئے ہیں،

وزیرمذہبی امورنورالحق قادری اس سلسلے میں مسلسل کوشاں ہیں ،

دوسری طرف سعودی عرب سے آنے والی اطلاعات میں بتایا گیا ہے کہ حج 2021 کے لیے سعودی عرب کی جانب سے قواعد و ضوابط جاری کر دیے گئے۔سعودی وزارت صحت نے عازمین کے لیے منظور شدہ کرونا ویکسین کی شرط لگا دی ہے۔

سعودی وزارت صحت کا کہنا ہے کہ عازمین حج کو کرونا ویکسین ذوالحجہ سے قبل لگوانی لازمی ہوگی، عازمین ذوالحجہ سے قبل کرونا ویکسی نیشن کرائیں۔

سعودی وزارت صحت کے مطابق بیرون ملک سے آنے والے عازمین کا دوبارہ کرونا ٹیسٹ ہوگا، اور عالمی ادارہ صحت کی منظور شدہ ویکسین لگانے کا مصدقہ ثبوت دینا ہوگا، جس میں یہ وضاحت کی گئی ہو کہ مملکت آمد سے 2 ہفتے پہلے ویکسین لگائی گئی ہے۔

جاری اعلامیے میں کہا گیا ہے کہ حج سیزن میں کام کرنے والے منظور شدہ ویکسین کی خوراک حاصل کر چکے ہوں، اور حج سیزن میں ورکرز مستقل طور پر ماسک لگانے کے پابند ہوں گے۔

وزارت صحت نے اعلامیے میں کہا ہے کہ زیادہ سے زیادہ 72 گھنٹے قبل پی سی آر ٹیسٹ کرانا لازمی ہوگا، جب کہ مملکت سعودی عرب میں پہنچنے والے عازمین حج کو 72 گھنٹے کے لیے قرنطینہ کیا جائے گا۔

48 گھنٹے بعد مقررہ و منظور شدہ فیلڈ سروس ٹیمیں عازمین کا دوبارہ ٹیسٹ کریں گی، ذوالحجہ سے قبل مکہ، مدینہ میں 60 فی صد تک مقررہ عمر کے افراد کی ویکسی نیشن ہوگی۔