پاکستان میں کورونا کی چوتھی لہر میں شدت گزشتہ 24 گھنٹوں کے دوران کورونا سے 141 افراد جاں بحق ہو گئے-
باغی ٹی وی نیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں کورونا کے 61 ہزار410 ٹیسٹ کیے گئے جس کے نتیجے میں مزید 4 ہزار 199 افراد میں کورونا وائرس کی تصدیق ہوئی جبکہ گزشتہ 24 گھنٹے میں مثبت کیسز کی شرح 6 اعشاریہ 83 فیصد رہی۔
این سی او سی کے مطابق گزشتہ 24 گھنٹوں کے دوران ملک میں کورونا کیسز کی مجموعی تعداد 11 لاکھ 35 ہزار 858 جبکہ ملک میں کورونا سے ہونے والی اموات کی مجموعی تعداد 25 ہزار 220 ہوگئی۔
کویت کا پاکستان کیلئے براہ راست پروازوں کی بحالی کا فیصلہ
پنجاب میں کورونا کی چوتھی لہر شدت اختیار کر گئی لاہور میں مثبت کیسز کی شرح ساڑھے بارہ فیصد تک پہنچ گئی جبکہ راول پنڈی میں شرح چودہ فیصد رہی۔راولپنڈی میں مزید تین علاقوں میں تیس اگست تک لاک ڈاؤن نافذ کردیا گیا۔
ادھر کراچی میں چوبیس گھنٹوں کے دوران مثبت کیسز کی شرح ساڑھے دس فیصد سے زیادہ رہی جبکہ حیدرآباد میں گیارہ فیصد رہی اسلام آباد میں کورونا کیسز کی شرح سات فیصد اور پشاور میں 14 فیصد رہی-
وزیراعلیٰ سندھ کا کورونا وائرس کی صورتحال پر بیان
سندھ میں کورونا کے کیسز کی تعداد 4 لاکھ 24 ہزار 139، خیبر پختونخوا میں ایک لاکھ 58 ہزار 243، پنجاب میں تین لاکھ 83 ہزار 742، اسلام آباد میں 96 ہزار 980، بلوچستان میں 31 ہزار 928، آزاد کشمیر میں 31 ہزار 87 اور گلگت بلتستان میں 9 ہزار 739 ہو گئی ہے۔
کورونا کے سبب سب سے زیادہ اموات پنجاب میں ہوئی ہیں جہاں 11 ہزار 633 افراد جان کی بازی ہار چکے ہیں جبکہ سندھ میں 6 ہزار 698، خیبرپختونخوا 4 ہزار 839، اسلام آباد 855، گلگت بلتستان 171، بلوچستان میں 338 اور آزاد کشمیر میں 686 افراد جان کی بازی ہار چکے ہیں-
