پاکستان میں کورونا وائرس سے مزید3 افراد جاں بحق ہو گئے-
باغی ٹی وی : نیشنل کمانڈ اینڈ آپریشن سینٹر (این سی او سی) کی جانب سے جاری تازہ اعدادو شمار کے مطابق گزشتہ 24 گھنٹوں کے دوران ملک بھر میں36 ہزار 944کورونا ٹیسٹ کیے گئے جس کے نتیجے میں مزید 250 کورونا کیسز رپورٹ ہوئے۔
برطانیہ میں اومی کرون سے پہلی موت
این سی او سی کے مطابق گزشتہ چوبیس گھنٹوں میں ملک میں کورونا کیسز کی مجموعی تعداد 12 لاکھ 89 ہزار543 جبکہ مجموعی اموات کی تعداد 28 ہزار 839 ہو گئی ہے اور مثبت کیسز کی شرح 0.67 فیصد رہی۔
پاکستان میں پہلےاومی کرون کیس کی تصدیق
سندھ میں کورونا کے کیسز کی تعداد 4 لاکھ 78 ہزار 173، خیبر پختونخوا میں ایک لاکھ 80 ہزار 710، پنجاب میں 4 لاکھ 43 ہزار 937،اسلام آباد میں ایک لاکھ 8 ہزار146، بلوچستان میں 33 ہزار 536، آزاد کشمیر میں 34 ہزار 615 اور گلگت بلتستان میں 10 ہزار 426 ہو گئی ہے۔
برطانیہ میں حالات کنٹرول سے باہر: اومی کرون کا پھیلاؤ تیز، کورونا الرٹ لیول 3 سے بڑھا کر 4 کردیا گیا
کورونا کے سبب سب سے زیادہ اموات پنجاب میں ہوئی ہیں جہاں 13 ہزار 52 افراد جان کی بازی ہار چکے ہیں جبکہ سندھ میں 7 ہزار 638، خیبرپختونخوا 5 ہزار 894، اسلام آباد 963، گلگت بلتستان 186، بلوچستان میں 363 اور آزاد کشمیر میں 743 افراد جان کی بازی ہار چکے ہیں۔
