پاکستان میں کورونا وائرس سے مزید 7 افراد جاں بحق ہو گئے۔
باغی ٹی وی : نیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں 46 ہزار 6کورونا ٹیسٹ کیے گئےمزید 288 کورونا کیسز رپورٹ ہوئے۔
این سی او سی کے مطابق گزشتہ چوبیس گھنٹوں میں ملک میں کورونا کیسز کی مجموعی تعداد 12 لاکھ 89 ہزار49 ہوگئی جبکہ مجموعی اموات کی تعداد 28 ہزار 830 ہو گئی ہے اور مثبت کیسز کی شرح 0.62 فیصد رہی۔
پاکستان میں کورونا کے 395 نئے کیسز رپورٹ
سندھ میں کورونا کے کیسز کی تعداد 4 لاکھ 77 ہزار 869، خیبر پختونخوا میں ایک لاکھ 80 ہزار 661، پنجاب میں 4 لاکھ 43 ہزار 839،اسلام آباد میں ایک لاکھ 8 ہزار117، بلوچستان میں 33 ہزار 531، آزاد کشمیر میں 34 ہزار 606 اور گلگت بلتستان میں 10 ہزار 426 ہو گئی ہے۔
16 اور 17 سال کی عمر کے لوگوں کے لیے فائزر کووڈ بوسٹر کی اجازت دے دی گئی
کورونا کے سبب سب سے زیادہ اموات پنجاب میں ہوئی ہیں جہاں 13 ہزار 51 افراد جان کی بازی ہار چکے ہیں جبکہ سندھ میں 7 ہزار 636، خیبرپختونخوا 5 ہزار 889، اسلام آباد 962، گلگت بلتستان 186، بلوچستان میں 363 اور آزاد کشمیر میں 743 افراد جان کی بازی ہار چکے ہیں۔
