کرونا وائرس،یوم پاکستان ،23 مارچ کی پریڈ منسوخ ہونے کا خدشہ

کرونا وائرس،یوم پاکستان ،23 مارچ کی پریڈ منسوخ ہونے کا خدشہ

باغی ٹی وی کی رپورٹ کے مطابق کرونا وائرس کے خدشے کے پیش نظر یوم پاکستان کے موقع پر 23 مارچ کی پریڈ منسوخ ہونے کی غیر مصدقہ اطلاعات ہیں

23 مارچ یوم پاکستان کے حوالہ سے پاک فوج کی جانب سے پریڈ گراؤنڈ میں پریڈ ہوتی ہے جس کی منسوخی کی سوشل میڈیا پر غیر مصدقہ خبریں گردش کر رہی ہیں، تا ہم آج وزیراعظم عمران خان کی زیر صدارت قومی سلامتی کمیٹی کا اجلاس کرونا وائرس کے حوالہ سے ہو گا جس میں اہم فیصلے متوقع ہیں.

کرونا وائرس کے پاکستان میں 22 مریض سامنے‌ آ چکے ہیں ، سندھ اور پنجاب کی صوبائی حکومتوں نے تعلیمی اداروں میں تعطیل کر اعلان کر دیا ہے، پنجاب میں بھی چھٹیوں کا امکان ہے، کرونا وائرس سے بچاؤ کے لئے احتیاطی تدابیر اختیار کی جا رہی ہیں، پی ایس ایل میچز کے لئے پاکستان آئے غیر ملکی کھلاڑیوں نے بھی واپس جانے کے لئے ٹکٹ کنفرم کروا لئے ہیں. رائیونڈ میں ہونے والا تبلیغی اجتماع بھی منسوخ کر دیا گیا ہے.

یوم پاکستان پر ہونے والی پریڈ کے حوالہ سے قومی سلامتی کمیٹی اجلاس میں اہم فیصلہ کیا جائے گا، ذرائع کا کہنا ہے کہ اگر کرونا کے حوالہ سے پاکستان میں ایمرجنسی نافذ کی گئی تو پریڈ منسوخ کر دی جائے گی

پاکستان میں کرونا وائرس کا ایک اور مریض سامنے آنے کے بعد مجموعی تعداد 22 ہو گئی ہے

سندھ میں کورونا وائرس کا ایک اور مریض میں تشخیص ہوئی ہے جس کے بعد صوبہ سندھ میں کرونا وائرس سے متاثرہ افراد کی تعداد 16 ہوگئی ہے محکمہ صحت سندھ کا کہنا ہے کہ 52 سال کے شخص میں کورونا وائرس کی تصدیق ہوئی ہے اور متاثرہ شخص 2 روز قبل اسلام آباد سے کراچی پہنچا تھا۔ کورونا وائرس کے 13 مریض آئسولیشن وارڈز میں زیر علاج ہیں جب کہ 2 مریض صحتیاب ہوکر ڈسچارج کیے جاچکے ہیں۔

خیال رہے کہ اب تک ملک میں کورونا وائرس کے 22 کیسز سامنے آچکے ہیں جن میں سے کراچی میں 16، اسلام آباد میں 2 جب کہ گلگت بلتستان 3 اور بلوچستان سے ایک  کیس کی تصدیق ہوچکی ہے۔ان مریضوں میں سے سب سے پہلے سامنے آنے والے کراچی کے یحییٰ جعفری نامی نوجوان کو صحت یابی کے بعد اسپتال سے ڈسچارج کردیا گیا ہے جب کہ باقی تمام متاثرہ افراد زیر علاج ہیں

کرونا کا پنجاب میں کوئی مریض نہیں،پنجاب میں میڈیکل ایمرجنسی ڈکلیئرکر دی ہے، یاسمین راشد

کرونا کا خدشہ، چکن کی قیمت دس روپے فی کلو ہونے پر پولٹری مالکان نے 6 ہزار مرغیوں کو زندہ دفنا دیا

کرونا وائرس، چین سے طالب علم پاکستان پہنچا تو اسکے ساتھ کیا ہوا؟

کرونا وائرس، پارلیمنٹ کا مشترکہ اجلاس بلانے کا مطالبہ، رکن اسمبلی کا بیٹا بھی ووہان میں پھنسا ہوا ہے، قومی اسمبلی میں انکشاف

کرونا وائرس سے نمٹنے کے لئے وزیراعظم عمران خان نے اہم اجلاس طلب کر لیا جس میں فیصلہ کیا جائے گا کہ کرونا کے حوالہ سے ملک میں ایمرجنسی نافذ کی جائے یا نہیں