کورونا وائرس کے باعث پاکستان میں دلہنوں کے لئے دیدہ زیب فیس ماسک تیار ہونے لگے

پاکستان میں کورونا وائرس سامنے آنے کے بعدملک بھر میں میڈیکل اور عام فیس ماسک سینیٹائیزرز کی قیمیتیں بڑھنے کے ساتھ ساتھ ان کی اور دیگر طبی چیزوں اور ادویات کی بھی قلت ہونے لگی

باغی ٹی وی : ملک میں کورونا وائرس کے تیزی سے پھیلنے کے باعث حکومت نے شادیوں کے اجتماعات پر پابندی عائد کی اور لوگوں کو احتیاطی تدابیر کے پیش نظر حکومت میں فیس ماسک پہننے کی ہدایات کیں تو ملک میں فیس ماسک کے حوالے سے نیا ٹرینڈ سامنے آیا اور دلہنوں کے لیے دیدہ زیب ماسک تیار ہونے لگے

کورونا وائرس کے نڑھتے پوئے کیسز اور حکومت کی طرف سے احتیاطی تدابیر کے اعلان کے بعد عروسی جوڑے تیار کرنے والے فیش ہاؤسز سمیت عام درزیوں نے بھی دلہنوں کے لیے دیدہ زیب فیس ماسک تیار کرنے کا کام شروع کردیا اور دیدہ زیب اور مہنگے فیس ماسک بنانے میں مصروف ہیں

دلہوں کے مقابلے زیادہ دلہنوں کے لیے فیس ماسک کی مانگ کی جا رہی ہے اور فیشن ہاؤسز اپنی کمائی کو بڑھانے کی غرض سے لباس کی میچنگ پر بھی فیس ماسک بنا کر دے رہے ہیں دلہنوں کے لیے تیار کیے جانے والے فیس پر کڑھائی کا کام بھی کیا جاتا ہے جب کہ ان میں خاص کپڑے کو بھی استعمال کیا جا رہا ہے