کورونا وائرس نے ایک اور مسیحاکی جان لے لی

کورونا وائرس نے ایک اور مسیحاکی جان لے لی،ڈاکٹرنسرین مغل وبا سے زندگی کی بازی ہار گئیں۔پاکستان میڈیکل ایسوسی ایشن کے مطابق ڈاکٹرنسرین مغل نجی اسپتال کی چیف میڈیکل افسرتھیں اور انہوں نے فرنٹ لائن ورکر کے طور پر ویکسی نشین مہم میں حصہ لیا۔پی ایم اے کے مطابق کورونا سے اب تک ملک میں 219 ڈاکٹرز شہید ہو چکے ہیں، سندھ میں76، پنجاب77، کے پی 56، بلوچستان میں 6 ڈاکٹرز شہید ہوئے۔
آزادکشمیر میں3، گلگت میں ایک ڈاکٹر کورونا کے باعث شہیدہوا جب کہ ملک بھر میں31 پیرامیڈیکل اسٹاف بھی کورونا کے باعث شہیدہو چکے۔پی ایم اے کے مطابق حکومت کی جانب سے فرنٹ لاین ورکرز کو نظر انداز کردیا گیا ہے شہدا پیکج اور سول ایوارڈ نہ دینا افسوس ناک ہے۔سیکرٹری جنرل پی ایم اے ڈاکٹر قیصر سجاد نے کہاکہ کوویڈ کے باعث جان بحق فرنٹ لاین ورکرز کو کسی قسم کی امداد نہیں دی گئی وفاقی اور صوبائی حکومتوں کی جانب سے کسی قسم کے پیکج ہر عمل نہیں کیا گیا۔