کرونا وائرس، پرائیویٹ تعلیمی اداروں نے کیا آدھی فیس کم کرنے سے انکار،کتنی لیں گے فیس؟
باغی ٹی وی کی رپورٹ کے مطابق وزیرتعلیم پنجاب مراد راس کی زیر صدارت پرائیویٹ اسکولوں کی فیسوں سے متعلق اجلاس ہوا
پرائیویٹ اسکولوں نے 50فیصد تک گرمی کی چھٹیوں کی فیس کم کرنےسےانکارکردیا،محکمہ تعلیم پنجاب کی جانب سے صرف 20فیصد فیس کم کرنے کی درخواست دے دی گئی.
وزیر تعلیم پنجاب کا کہنا ہے کہ اسکولوں کی فیس میں 20 فیصد کمی کی درخواست کی ہے،کوئی بھی پرائیویٹ اسکول اساتذہ کو نوکری سے نہ نکالے ،تنخواہوں میں کٹوتی بھی نہ کی جائےپرائیویٹ اسکول مالکان مشاورت کے بعد حکومت کی تجویز کردہ کمی سے متعلق فیصلہ کریں گے،
واضح رہے کہ کرونا وائرس کی وجہ سے ملک میں لاک ڈاؤن ہے اور تعلیمی اداروں میں 31 مئی تک تعطیلات کا اعلان کر دیا گیا ہے، وزیراعلیٰ پنجاب نے ایک ہفتہ قبل کہا تھا کہ کوشش کریں گے پرائیویٹ سکول مالکان ماہانہ فیس آدھی لیں اس ضمن میں کمیٹی بنائی گئی تھی آج کمیٹی کا اجلاس ہوا جس میں پرائیویٹ سکول مالکان نے فیس کم کرنے سے انکار کر دیا
اب دوبارہ اجلاس ہوگا میں فیس کی کمی کے حوالہ سے فیصلہ ہو گا
کرونا وائرس کی وجہ سے پنجاب کے تعلیمی اداروں چھٹیوں میں اضافہ کر دیا گیا
31 مئی تک صوبہ پنجاب کے تمام سرکاری اور پرائیویٹ سکولوں میں گرمیوں کی چھٹیاں کر دیں گئیں ۔ یکم جون سے 13 اگست تک سکولز صبح 7 سے11 بجے تک اسمبلی اور بریک کے بغیر لگا کریں گے۔ 14 اگست کو یوم آزادی کے بعد سکولوں کی ٹائمنگ نارمل روٹین کے مطابق کر دی جائے گی۔
کرونا لاک ڈاون کے بعد اپریل کے ماہ میں صرف ایک دن سکول کھول کر 10th کلاس سمیت تمام سٹوڈنٹس کو نئی کتابیں اور چھٹیوں کا کام دیا جائے گا۔ مزید برآں 9th اور 6th کلاس سمیت تمام کلاسز میں نئے داخلے بھی اسی دن ہوں گے۔ 9ویں کلاس کے باقی ماندہ 6 پیپر 2 جون سے شروع ہونے کا قوی امکان ہے۔ 12 جون کو 10th کے پریکٹیکل شروع ہونے کے چانسز ہیں۔ انٹرمیڈیٹ کے امتحانات 22 جون کو متوقع ہیں۔
نرسری سے ساتویں تک تمام کلا سز کے سٹوڈنٹس پاس کر دیے گئے ہیں۔ 8ویں کا رزلٹ 31 مارچ کو اناؤنس ہوگا۔ فرسٹ ائیر اور تھرڈ ائیر کے ایڈمیشن میں ایک ماہ کی توسیع متوقع ہے۔
واضح رہے کہ قومی سلامتی کمیٹی اجلاس میں فیصلہ ہوا تھا کہ ملک بھر کے تعلیمی ادارے 5 اپریل تک بند ہوں گے، اب فیصلہ ہوا ہے کہ تعلیمی اداروں میں گرمیوں کی چھٹیان دے دی جائیں
