کورونا وائرس تنازع پر بھارتی گلوکارہ کے بچوں کو قتل کی دھمکیاں

بھارتی معروف گلوکارہ کانیکا کپور نے انکشاف کیا ہے کہ کورونا وائرس تنازع کے بعد اُن کے بچوں کو قتل کی دھمکیاں دی گئی تھیں –

باغی ٹی وی : بھارتی اخبار ہندوستان ٹائم کی رپورٹ کے مطابق 2020ء میں گوگل پر سب سے زیادہ سرچ کی جانے والی بھارتی شخصیت کانیکا کپور کا مارچ میں لندن سے واپسی پر کورونا ٹیسٹ مثبت آیا تھا جس کے بعد لاپرواہی کا الزام عائد کرتے ہوئے لوگوں نے انہیں شدید تنقید کا نشانہ بنایا تھا۔

میڈیا رپورٹ کے مطابق کانیکا کپور نے اپنے دورہ برطانیہ سے واپسی پر لکھنؤ کے تاج ہوٹل میں پارٹی میں شرکت کی تھی جبکہ قرنطینہ میں وقت بھی نہیں گزارا تھا جس پر ان کے خلاف مقدمہ بھی درج کیا گیا تھا۔

جس پر گلوکارہ کو شدید تنقید کا نشانہ بنایا گیا تھا اس حوالے سے کانیکا کپور حال ہی میں دیئے گئے انٹر ویو میں بڑے اہم انکشافات کیے ہیں۔

اپنے حالیہ انٹرویو میں گلوکارہ نے بتایا کہ وہ دور میرے اور خاندان کیلئے مشکل ترین تھا کیونکہ ہمیں نہیں معلوم تھا ہمارے ساتھ کیا ہورہا ہے جبکہ میڈیا اور عوام ہمارے خلاف ہوگئے تھے۔

کانیکا کپور نے کہا کہ جب لندن سے واپس آئی تو قرنطینہ میں رہنے کا کوئی قانون نہیں تھا 16 مارچ کے بعد بخار ہوا تو چیک اپ کروایا جس میں مجھے کورونا وائرس کی تشخیص ہوئی مگر مجھ پر الزام لگا کہ میں نے ائیرپورٹ پر اپنا چیک اپ نہیں کروایا۔

گلوکارہ نے کہا کہ اس دوران مجھے میرے بچوں اور خاندان کو قتل کی دھمکیاں مل رہی تھیں اور ہم سب پریشان و خوفزدہ تھے کوئی کہہ رہا تھا مجھے مر جانا چاہیے تو کوئی کہہ رہا تھا کہ کیرئیر ختم ہوگیا ان سب چیزوں نے مجھے جھنجھوڑ کر رکھا دیا۔