کورونا وائرس کے سبب دنیا میں 8 کروڑ 11 لاکھ 42 ہزار سے زائد افراد متاثر، اموات کی تعداد کہاںتک پہنچ گئی
MANAUS, BRAZIL - MAY 19: Relatives of a deceased person wearing protective masks mourn during a mass burial of coronavirus (COVID-19) pandemic victims at the Parque Taruma cemetery on May 19, 2020 in Manaus, Brazil. Brazil has over 260,000 confirmed cases and more than 17,000 deaths caused by coronavirus (COVID-19) pandemic. (Photo by Andre Coelho/Getty Images)
کورونا وائرس کے سبب دنیا میں 8 کروڑ 11 لاکھ 42 ہزار سے زائد افراد متاثر، اموات کی تعداد کہاںتک پہنچ گئی
باغی ٹی وی رپورٹ کے مطابق عالمی وبا کورونا وائرس کے سبب دنیا میں 8 کروڑ 11 لاکھ 42 ہزار سے زائد افراد متاثر اور 17 لاکھ 71 ہزار 884 اموات ہو چکی ہیں۔
دنیا میں کورونا کے 5 کروڑ 72 لاکھ 91 ہزار سے زائد مریض صحتیاب ہو چکے اور 2 کروڑ 20 لاکھ 79 ہزار سے زائد زیر علاج ہیں۔
امریکہ میں کورونا کی صورتحال سب سے خوفناک ہے جہاں 3 لاکھ 41 ہزار 138 اموات ہو چکی ہیں اور ایک کروڑ 95 لاکھ 73 ہزار سے زائد کیسز رپورٹ ہو چکے ہیں۔
بھارت کورونا کیسز کے اعتبار سے دنیا میں دوسرے نمبر پر ہے جہاں اموات کی تعداد ایک لاکھ 47 ہزار 940 اور ایک کروڑ 20 لاکھ 8 ہزار سے زائد افراد میں وائرس کی تشخیص ہو چکی ہے۔برازیل میں کورونا سے ہونے والی اموات کی مجموعی تعداد ایک لاکھ 91 ہزار 146 اور 74 لاکھ 84 ہزار سے زائد افراد متاثر ہیں۔
روس میں 30 لاکھ 50 ہزار سے زائد افراد کورونا وائرس سے متاثر ہو چکے ہیں اور اموات کی مجموعی تعداد 54 ہزار 778 ہے۔
فرانس میں 25 لاکھ 59 ہزار سے زائد افراد متاثر اور 62 ہزار 746 جان کی بازی ہار چکے ہیں۔ برطانیہ میں 22 لاکھ 88 ہزار کورونا کیسز اور 70 ہزار 752 اموات رپورٹ ہوئی ہیں۔
ترکی میں 21 لاکھ 47 ہزار 578 افراد متاثر اور 19 ہزار 878 ہلاک ہو چکے ہیں۔ اٹلی میں بھی 20 لاکھ 47 ہزار سے زائد افراد متاثر ہیں جبکہ 71 ہزار 925 افراد ہلاک ہوچکے ہیں۔
دنیا بھر میں پہلے 50 لاکھ کیسز کا سفر 186 دنوں میں طے ہوا۔ ایک کروڑ سے دو کروڑ کیسز ہونے میں 43 دن لگے۔
اگلے 38 دنوں میں مزید ایک کروڑ کیسز رپورٹ ہوئے۔ 3 کروڑ سے چار کروڑ کا سفر31 دنوں میں طے ہوا۔ چار کروڑ سے پانچ کروڑ کیسز رپورٹ ہونے میں21 دن لگے۔ آخری ایک کروڑ کیسز صرف اٹھارہ دنوں میں سامنے آئے
سعودی عرب میں کورونا وائرس کے مزید 199 کیسز سامنے آئے ہیں جبکہ اس دوران 11 افراد انتقال کر گئے۔
گزشتہ 24 گھنٹے کے دوران کورونا سے 11 افراد انتقال کر گئے، جس کے بعد مملکت میں اس مرض کے باعث انتقال کرجانے والوں کی تعداد 6 ہزار 196 ہوگئی ہے۔
ترجمان وزارت صحت کا کہنا تھا کہ گزشتہ 24 گھنٹوں کے دوران سعودی عرب کے مختلف شہروں میں کورونا کے 174 افراد صحتیاب ہوگئے ہیں۔ سعودی عرب میں کورونا وائرس کے ایکٹیو کیسز کی تعداد 2 ہزار 790 ہے۔
Leave a reply
