کرونا سے پاکستان میں دوسرے روز بھی 15 افراد جاں بحق
باغی ٹی وی کی رپورٹ کے مطابق پاکستان میں کرونا کیسز میں بتدریج کمی ہو رہی ہے، گزشتہ 24 گھنٹوں میں 15 اموات ہوئی ہیں جبکہ 531 نئے مریض سامنے آئے ہیں.
پاکستان میں کرونا سے اموات کی مجموعی تعداد 6 ہزار 112 ہوگئی ہے جبکہ مریضوں کی مجموعی تعداد 2 لاکھ 85 ہزار 191 ہو گئی ہے،
کرونا وائرس کے حوالہ سے بنائے گئے نیشنل کمانڈ اینڈ آپریشن سینٹر کی جانب سے جاری کردہ تازہ ترین اعدادوشمار کے مطابق ملک بھر میں گزشتہ 24 گھنٹے کے دوران کورونا کے 531 نئے کیسز اور15 اموات ریکارڈ ہوئی ہیں۔ پاکستان میں 2 لاکھ 61 ہزار 246 مریضوں نے کورونا کو شکست دے دی ہے جبکہ پاکستان میں اس وقت کورونا کے 17 ہزار 833 ایکٹو کیسز ہیں.
صوبہ سندھ میں کورونا کے ایک لاکھ 24 ہزار 127 کیسز رپورٹ ہوئے۔ پنجاب میں 94 ہزار 586، خیبرپختونخوا میں 34 ہزار755 اور بلوچستان میں 11 ہزار 921 کیسز سامنے آئے ہیں، اسلام آباد میں 15 ہزار 281 اور آزاد کشمیرمیں 2ہزار150کورونا کیسز رپورٹ ہوچکے ہیں ،گلگت بلتستان میں کورونا مریضوں کی تعداد 2ہزار371 ہوگئی ہے.
پنجاب میں کورونا وائرس سے جاں بحق افراد کی تعداد 2 ہزار 170، سندھ میں 2 ہزار 272، خیبر پختونخوا میں ایک ہزار 231، اسلام آباد میں 171، بلوچستان میں 138، آزاد کشمیر میں 58 اور گلگت بلتستان میں 57 ہو چکی ہے۔ ملک بھر میں اب تک 21 لاکھ 65 ہزار 811 ٹیسٹ ہو چکے ہیں اور اسپتالوں میں اس وقت 146 مریض وینٹی لیٹرپر ہیں۔
