پیرس :امن وامان کی صورت حال دنیا بھر میں مخدوش ہورہی ہے، یہ پاکستان نہیں فرانس ہےجہاںکی کچھ پاکستانی مثالیں دیتے ہیں کہ یورپ میں بڑا امن ہے کبھی چوری نہیں ہوتی تو سنیئے اطلاعات کے مطابق فرانسیسی دارالحکومت میں چور جاپانی شہری کے ہاتھ سے لاکھوں یورو مالیت کی ہیرے جڑی ہوئی گھڑی لے کر فرار ہوگئے۔
تفصیلات کے مطابق فرانسیسی دارالحکومت پیرس میں ایک جاپانی شہری اپنے ہوٹل سے سگریٹ لینے کےلئے باہر نکلا تو تقریباً 8 لاکھ 40 ہزار ڈالرزمالیت کی ہیروں کی گھڑی ہاتھ میں نظر آنے کے بعد وہ چوروں کی نظروں میں آگیا۔پولیس کے مطابق جاپانی شہری نے جیسے ہی سگریٹ لینے کےلئے ہاتھ آگے بڑھایا تو پہلے سے گھات لگائے چوروں نے اس کا ہاتھ پکڑا اور قیمتی گھڑی چرا کر بھاگ نکلے ،
غیر ملکی میڈیا کی رپورٹ کے مطابق پیرس اور نواحی علاقوں میں جنوری سے ستمبر تک چوری کی 71 وارداتیں ہوئی ہیں جن میں اس طرح کی 4 قیمتیں گھڑیاں چرائی گئی ہیں جن کی مالیت تقریباً ایک لاکھ ڈالر سے زائد ہے۔فرانسیسی پولیس کا مؤقف ہے کہ جاپانی شہری کے ساتھ واردات کے بعد چور بھاگتے ہوئے اپنا موبائل فون وہیں گراگئے جس کی مدد سے ان کی گرفتارکرنے کی کوششیں کی جارہی ہیں۔
Comments