راولپنڈی کی انسداد دہشتگردی عدالت کے قریب ایک افسوسناک واقعہ پیش آیا ہے جس میں نامعلوم افراد کی جانب سے فائرنگ کی گئی، جس کے نتیجے میں دو افراد زخمی ہوگئے۔
تفصیلات کے مطابق، نامعلوم ملزمان نے انسداد دہشتگردی عدالت کے نزدیک فائرنگ کی اور پھر موقع سے پیدل فرار ہونے میں کامیاب ہو گئے۔ فائرنگ کا واقعہ انتہائی حساس علاقے میں پیش آیا، جہاں ایک جانب سیف سٹی اور دوسری جانب کمشنر آفس موجود ہے۔ اس علاقے کی حساسیت کے باوجود ملزمان کی فائرنگ کے بعد فرار ہونا سوالات کو جنم دیتا ہے۔پولیس ذرائع کے مطابق، کرائم سین پر کارروائی کرتے ہوئے فائرنگ کرنے والے ایک ملزم کو حراست میں لے لیا گیا ہے، جبکہ دیگر ملزمان کا سراغ لگانے کے لیے تحقیقات جاری ہیں۔
زخمی ہونے والوں میں سے ایک شخص کی شناخت عاصم کے نام سے ہوئی ہے، جسے کمر کے نچلے حصے میں گولیاں لگیں۔ زخمی کی حالت تشویشناک بتائی جارہی ہے اور اسے فوری طور پر قریبی اسپتال منتقل کر دیا گیا ہے۔پولیس اور قانون نافذ کرنے والے ادارے اس واقعے کی تحقیقات کر رہے ہیں تاکہ ملزمان کو گرفتار کیا جا سکے اور واقعے کی وجوہات کا پتا چلایا جا سکے۔
عمران، بشریٰ کا القادر یونیورسٹی کا ناکام منصوبہ
کراچی سے وسطی ایشیاء کے لیے تجارتی سامان کا پہلا قافلہ روانہ
