جواہر لعل نہرو یونیورسٹی تشدد : فیس بک، واٹس ایپ کو نوٹس جاری،عدالت مودی سرکار کی زبان بولنے لگی ۔

دہلی :جواہر لعل نہرو یونیورسٹی تشدد ميں فیس بک، واٹس ایپ کو نوٹس جاری کرديا گيا،اطلاعات کے مطابق دہلی ہائی کورٹ نے جواہر لعل نہرو یونیورسٹی میں 5 جنوری کو ہونے والے تشدد کے معاملے میں فیس بک، گوگل اور واٹس ایپ کو نوٹس جاری کیا ہے۔

باغی ٹی وی کے مطابق دہلی ہائی کورٹ نے جے این یو تشدد معاملے میں داخل کیے گئے ثبوتوں کو محفوظ رکھنے سے متعلق درخواست پر سماعت کے دوران فیس بک، گوگل اور واٹس ایپ کو نوٹس جاری کیا ہے۔ سماعت کے دوران دہلی پولیس نے کہا کہ جے این انتظامیہ کو سی سی ٹی وی فوٹیج کے ساتھ دیگر معلومات دینے کے لیے خط لکھا گیا ہے لیکن جے این یو انتظامیہ کی جانب سے ابھی تک خط کا کوئی جواب نہیں دیا گیا ہے۔

جواہر لعل نہرو یونیورسٹی کے تین پروفیسرز کا دعوی ہے کہ ثبوتوں کو ختم کرنے کی کوشش کی جارہی ہے جس کی بنیاد پر انہوں نے ایک درخواست داخل کی ہے۔ درخواست میں کہا گیا ہے کہ حادثے کے دوران کے سی سی ٹی وی فوٹیج، تشدد سے متعلق معلومات اور ثبوتوں کو محفوظ کرنے کے لیے ہدایات جاری کی جائیں۔

ذرائع کے مطابق درخواست میں یہ بھی کہا گیا ہے کہ ان واٹس ایپ گروپ کی اطلاعات کو محفوظ کیا جائے جن کے ذریعے حملے کی سازش کو انجام دیا گیا تھا انہیں شک ہے کہ انتظامیہ ثبوتوں کو ضائع کررہی ہے۔جے این یو میں 5 جنوری کے تشدد کے معاملے میں کچھ نقاب پوش لوگوں کی تصدیق کی جارہی ہے لیکن پولیس نے فی الحال کوئی گرفتاری نہیں کی ہے۔