پاک چین اقتصادی راہداری کی تعمیر انڈیا کی سرزمین پر ہوئی، کس نے کیا یہ مضحکہ خیز دعویٰ؟ اہم خبر

چینی وزیر خارجہ وانگ پی کے دورہ پاکستان کے اختتام پر جاری مشترکہ اعلامیہ سے بھارت سرکار کے پیٹ‌ میں سخت مروڑ اٹھ رہے ہیں‌ اور ہندوستانی وزارت خارجہ کے ترجمان نے اس پر شدید ردعمل ظاہر کیا ہے،

باغی ٹی وی کی رپورٹ کے مطابق ہندوستانی وزارت خارجہ کے ترجمان رویش کمار نے ہرزہ سرائی کرتے ہوئے کہا ہے کہ کشمیر بھارت کا اٹوٹ‌ انگ ہے اور ہم اس اعلامیہ کو تسلیم نہیں کرتے، اسی طرح زہر اگلتے ہوئے یہ بھی کہا گیا ہے کہ پاک چین اقتصادی راہداری منصوبہ انڈیا کی سرزمین پر تعمیر کیا گیا ہے کیونکہ پاکستان نے مبینہ طور پر 1947ء میں اس سرزمین پر غیر قانونی قبضہ کر لیا تھا،

بھارتی وزارت خارجہ کا یہ مضحکہ خیز دعویٰ کرتے ہوئے یہ بھی کہنا تھا کہ وہ اپنی تشویش سے دونوں ملکوں‌ کو آگاہ کرتا رہا ہے، بھارتی وزارت خارجہ کے ترجمان کا کہنا تھا کہ انڈیا آزاد کشمیر میں کسی دوسرے ملک کی طرف سے صورتحال کو بدلنے کی کسی بھی کاروائی کے سخت خلاف ہے، تمام متعلقہ فریقین کو یہ کاروائیاں‌ روک دینی چاہئیں، واضح رہے کہ پاکستانی اور چینی وزرائے خارجہ کے ملاقات کے بعد جاری کردہ مشترکہ اعلامیہ میں کشمیر کا خاص طور پر ذکر کیا گیا تھا جس پر انڈیا کو سخت تکلیف ہوئی ہے،