اسلام آباد :احساس انڈرگریجویٹ اسکالر شپ پورٹل میں درخواست دینے کےلیے معیارقائم ،اطلاعات کے مطابق معاون خصوصی ڈاکٹر ثانیہ نشتر کا کہنا ہے کہ احساس انڈرگریجویٹ اسکالرشپ پورٹل 30 اکتوبر تک کھلا ہے، زیرِ تعلیم طلبا کی ماہانہ فیملی انکم 45 ہزار روپے سے کم ہے تو درخواست دے سکتے ہیں۔
سال 2020/21 کے سکالرشپ کی درخواستوں کیلیئےاحساس انڈرگریجویٹ سکالرشپ پورٹل 30 اکتوبر تک کھلاہے۔ملک کی125 پبلک سیکٹریونیورسٹیوں کے4 یا5 سالہ انڈرگریجویٹ پروگراموں میں زیرتعلیم طلباء جنکی ماہانہ فیملی انکم 45,000روپےسےکم ہےسکالرشپ کیلیئے درخواست دےسکتے ہیں۔https://t.co/XaorGQzE1k pic.twitter.com/evGotfBbgB
— Dr Sania Nishtar (@SaniaNishtar) October 12, 2020
تفصیلات کے مطابق معاون خصوصی ڈاکٹر ثانیہ نشتر نے سماجی رابطے کی ویب سائٹ ٹوئٹر پر اپنے پیغام میں کہا ہے کہ احساس انڈرگریجویٹ اسکالرشپ پورٹل 30 اکتوبر تک کھلا ہے، سال 21-2020 کے اسکالر شپ کی درخواستیں دی جاسکتی ہیں، یہ سہولت 125یونیورسٹیزکے 4 یا 5 سالہ انڈر گریجویٹ پروگراموں کیلئے ہے، زیر تعلیم طلبا کی ماہانہ فیملی انکم 45 ہزار روپے سے کم ہے تو درخواست دے سکتے ہیں۔
یاد رہے گذشتہ ماہ وفاقی حکومت نے تعلیمی سال 2020-21 کیلئے احساس انڈرگریجویٹ اسکالرشپ پورٹل کھولا تھا ، ثانیہ نشتر کا کہنا تھا کہ ملک کی 119 سرکاری شعبہ یونیورسٹیوں میں چار یا پانچ سالہ انڈرگریجویٹ پروگراموں میں تعلیم حاصل کرنے والے تمام طلباء وظائف کے لئے درخواست دے سکتے ہیں جبکہ جن طلباء کی فیملی ان کم 45,000 روپے سے کم ہے، وہ بھی احساس اسکالرشپ کے لیے درخواست دے سکتے ہیں۔
