سی ٹی ڈی کی بڑی کاروائی،بڑا شہر تباہی سے بچ گیا، کتنے دہشت گرد گرفتار ہوئے؟
باغی ٹی وی کی رپورٹ کے مطابق حساس اداروں نےالقاعدہ سے تعلق رکھنے والے 5دہشت گردوں کو گرفتار کرلیا، سی ٹی ڈی کے مطابق حساس ادارے کئی ماہ سے دہشتگردوں کے متعلق معلومات جمع کررہے تھے ،دہشتگردافغانستان میں القاعدہ کی مرکزی قیادت کوفنڈز بھی بجھواتے رہے،دہشتگردوں نےحال ہی میں کراچی سےگوجرانوالہ میں نیٹ ورک منتقل کیاتھا،
سی ٹی ڈی کے مطابق دہشت گردگوجرانوالہ میں دہشت گردی کا منصوبہ بنارہے تھے،گرفتاردہشت گردوں میں عاصم اکبر ، عبداللہ عمیرشامل ہیں،گرفتاردہشتگردوں میں احمدعرف قاسم،محمد یوسف اورمحمدیعقوب شامل ہیں،
سی ٹی ڈی نے گرفتار دہشت گردوں کے قبضہ سے اسلحہ، لٹریچر بھی برآمد کیا اور انہیں تفتیش کے لئے نامعلوم مقام پر منتقل کر دیا.
واضح رہے کہ رواں ماہ دسمبر میں پنجاب کے ضلع مظفر گڑھ میں سی ٹی ڈی نے علی پوربائی پاس روڈ کے قریب کارروائی کی ہے اور 2دہشت گرد گرفتار کئے تھے، سی ٹی ڈی ترجمان کے مطابق گرفتار دہشت گردوں سے دھماکہ خیز مواد اور نقدی برآمد ہوئی ہے،
سی ٹی ڈی حکام کے مطابق دونوں دہشت گردوں کا تعلق کالعدم تنظیم سے ہے، گرفتار ہونے والے دو مبینہ دہشتگردوں کی شناخت اختر عالم اور حسین احمد کے ناموں سے ہوئی،جن کے قبضے سے 3 ہینڈ گرنیڈ، ایک پسٹل اور دہشتگردی کے منصوبہ میں استعمال کی جانے والی رقم بھی برآمد ہوئی،گرفتار دہشت گرد حساس تنصیبات کو نشانہ بنانے کی منصوبہ بندی کرریے تھے.
قبل ازیں گزشتہ ماہ پنجاب کے ضلع چنیوٹ سے سی ٹی ڈی نے کارروائی کرکے ایک مبینہ دہشتگرد کو گرفتارکیا،،سی ٹی ڈی ذرائع کے مطابق گرفتار کیے جانے والے دہشتگرد کا تعلق کالعدم تنظیم سے ہے ،سی ٹی ڈی ترجمان کے مطابق گرفتار مبینہ دہشت گرد کے قبضہ سے ہینڈ گرنیڈ و دیگر سامان برآمد کیا گیا ہے،
قبل ازیں پنجاب کے ضلع بہاولنگرسے کالعدم تنظیم کے 2مبینہ دہشت گرد گرفتار کیے گئے، سی ٹی ڈی ترجمان کے مطابق گرفتاردہشت گرد حساس تنصیبات کونشانہ بنانا چاہتے تھے، گرفتاردہشت گردوں میں سعید اکبراورحسیب جاوید شامل ہیں جن کا تعلق کالعدم تنظیم سے ہے، گرفتار دہشت گردوں کے قبضے سے اسلحہ بھی برآمد ہوا ہے.
کوئٹہ، سی ٹی ڈی کا آپریشن مکمل، خاتون خودکش بمبار سمیت چھ دہشت گرد ہلاک
سی ٹی ڈی نے راولپنڈی میں دہشت گردی کا بڑا منصوبہ ناکام بنا دیا
قبل ازیں سی ٹی ڈی نے 13 ستمبر کو جنوبی پنجاب کے علاقے راجن پور میں کاروائی کرتے ہوئے 3 دہشت گردوں کو گرفتارکیا تھا جن کے قبضے سے اسلحہ و بارودی مواد برآمد ہوا تھا.
