کورلش عثمان سیزن 2 کا پہلا ٹریلر جاری

ترک مشہور و مقبول ڈرامہ سیریل کورلش عثمان کے سیزن 2 کا پہلا ٹریلر جاری کردیا گیا ہے-

باغی ٹی وی : ترکش ڈرامہ سیریل کورلش عثمان کے سیزن 2 کا پہا ٹریلر جاری کر دیا گیا ہےاس سیزن کی دلچسپ بات یہ ہے کہ اس میں عثمان کے علاوہ جن کرداروں کو دکھایا گیا ہے وہ پہلی بار اس سیریل کا حصہ بن رہے ہیں۔

اس کے ساتھ ساتھ ترک ثقافت کے 3 اہم جز گھوڑے، عقاب اور بھیڑیے کو بھی ٹریلر میں نمایاں جگہ دی گئی ہے اداکار براق اوزچیویت ایک بار عثمان کی کردار میں ہی نظر آئیں گے ٹریلر کا آغاز اس ڈرامے کا پہلی بار حصہ بننے والے امین گورسی نے کیا جن کے کردار کے بارے میں بھی کوئی تفصیلات سامنے نہیں آئیں-
https://www.youtube.com/watch?v=jZvL4IGlmDo&feature=youtu.be
جنید آرکین اس ڈرامے میں اکسالز(Aksakals) کے سربراہ کے روپ میں نظر آئیں گے مگر ٹریلر میں شائقین کی توجہ کا مرکز بننے والا کردار تامیر یاگت کا ہے جن کے ساتھ ایک بھیڑیا دکھایا گیا کیونکہ کسی کو اندازہ نہیں کہ وہ کیا کردار ادا کرنے والے ہیں۔

سوشل میڈیا پر تو ایسی افواہیں ہیں کہ وہ ارطغرل غازی کے بڑھاپے کے روپ میں ڈرامے کا حصہ بن رہے ہیں جس کی تصدیق کرنا ابھی ممکن نہیں کیونکہ پروڈکشن ٹیم نے اس بارے میں کھ نہیں بتایا۔
https://www.instagram.com/p/CEmpOTsFI0N/?utm_source=ig_embed
ٹریلر میں ڈائیلاگزراز کی حقیقت معلوم ہوگئی، عشق کی آگ بھڑکے اٹھی، اب سب کو آنے دو، یہ وہ وقت ہے جو راستہ کھولے گا اب یہ اس راہ پر چلنے اور ریاست بننے کا وقت ہے سنے جا سکتے ہیں-

واضح رہے کہ کورلش عثمان سیزن ون میں ارطغرل غازی کے بیٹے عثمان کی جوانی کی جدوجہد کو دکھایا گیا تھا جو منگولوں اور کلوچسائیار قلعے میں موجود دشمنوں کے خلاف تھی۔

پہلے سیزن کا اختتام جون کے آخر میں ہوا جبکہ شائقین اس کے سیزن 2 کا انتظار بے چینی سے کررہے ہیں خیال کیا جارہا ہے کہ سیزن 2 کا آغاز اکتوبر یا نومبر میں ہوگا –

خیال رہے کہ ارطغرل کے کرداروں میں سے صرف بامسی اور عبدالرحمن کورلش عثمان کے سیزن 1 میں نظر آئے تھے جن کے بارے میں امید ہے کہ وہ سیزن 2 میں بھی جلوہ گر ہوں گے۔

کورلش عثمان کی شوٹنگ کورونا وائرس کی وبا کے دوران بھی تمام تر احتیاطی تدابیر کے ساتھ جاری رہی اور محمد بوزداغ کا کہنا تھا کہ کورلش عثمان مزید 5 سے 6 سال تک جاری رہے گا اور یقیناً اپنے عہد کے مقبول ترین ڈراموں میں سے ایک ہوگا۔