ملائیشیا کے کسٹم حکام نے پونے دو کروڑ ڈالر مالیت کے جانوروں کے اعضاء ضبط کر لئے –
باغی ٹی وی : غیر ملکی میڈیا کے مطابق ملائسین کسٹم حکام نے جانوروں کے غیر قانونی اعضاء کے ساتھ ہی تقریبا ً ایک کروڑ 80 لاکھ ڈالر مالیت کے چھ میٹرک ٹن افریقی ہاتھی کے دانت اور ایک کوئنٹل پینگولین (فلس دار مور خور) کے خول اور جانوروں کے دوسرے بہت سے غیر قانونی اعضا پر مشتمل ایک بڑی کھیپ کا پردہ فاش کیا ہے۔
روس دنیاکوتیل بیچے:ایسا نہیں ہونے دیںگے:امریکہ
اس کھیپ میں تقریبا ًچھ کوئنٹل ہاتھی کے دانت، 100 کلو پینگولین کے خول، 25 کلو گینڈے کے سینگ اور اس کے علاوہ مزید تقریبا تین کوئنٹل دیگر جانوروں کی کھوپڑیاں، ہڈیاں اور سینگ وغیرہ شامل ہیں۔
ملائیشیا میں محکمہ کسٹم کے ڈائریکٹر جنرل سزولی جان نے پیر کے روز کہا کہ ہاتھی کے دانتوں کو اتنی بڑی کھیپ کی ضبطی ملک کی تاریخ کا سب سے بڑا واقعہ ہے۔
آئندہ برس ایک کروڑ عمرہ زائرین کے استقبال کی تیاریاں مکمل کر لی گئیں
محکمہ کسٹم کے ڈائریکٹر نے کہا کہ یہ تمام سامان 10 جولائی کو دریافت ہواتھا، جو افریقہ سے آنے والے ایک جہاز کے کنٹینر میں لکڑی کے درمیان چھپا کر رکھا گیا تھا جانوروں کے اسمگل شدہ ان اجزا کی آخری منزل ملائیشیا نہیں تھی اور انہیں کسی دوسرے ملک تک لے جانے کا منصوبہ تھا۔
وائلڈ لائف ٹریڈ اینڈ ٹریفک مانیٹرنگ گروپ کی جنوب مشرقی ایشیا کی ڈائریکٹر کنیتھا کرشناسامی نے ملائیشیا کی جانب سے اس انکشاف کو ایک ”اہم ضبطی” قرار دیا۔
انہوں نے کہا کہ جن جانوروں کی بقا کو خطرات لاحق ہیں، ان نسلوں کے اعضاء کا اتنی بڑی تعداد میں ایک ہی بار میں ضبط کیا جانا کافی تشویشناک ہے۔
حکام نے اس ضبطی سے متعلق ابھی تک کسی گرفتاری کی کوئی بات نہیں کہی ہے۔ تاہم جس شخص نے بھی ان اشیا کو درآمد کیا تھا اس سے اور شپنگ ایجنٹ سے تفتیش جاری ہے۔
