مسلم لیگ ن کے رہنما جاوید لطیف نے کہا ہے کہ ہم ایٹمی قوت ہیں، عالمی قوتوں کے دباؤ میں نہیں آئیں گے،
پریس کانفرنس کرتے ہوئے جاوید لطیف کا کہنا تھاکہ ڈالروں کے بدلے ہمیں کوئی بے غیرتی نہیں سکھا سکتا، پاکستان میں جب مارشل لاء لگتا ہے تو کسی کو جمہوریت یاد نہیں آتی، ہمیں خیرات میں زندگی نہیں چاہیئے، ہمیں غیرت کی موت چاہیئے، کیوں نہیں کہتے کہ بانی پی ٹی آئی کو چھڑوانے کیلئے دباؤ ہے،عالمی قوتیں اس سے کیا کام لینا چاہتی ہیں، آزادی اور غیرت سے بڑھ کر ہمیں کوئی شے نہیں،جنرل فیض حمید سوسائٹی کی وجہ سے گرفتار نہیں، قوم کو انکی گرفتاری کی اصل وجہ بتائی جائے، آج کے دن ایک قومی لیڈر شہید ہوئیں اس وقت کسی کو انسانی حقوق یاد نہیں آئے، اگر دبائو میں بانی کو چھوڑ بھی دیں تو لوگ یہی کہیں گے دبائو میں چھوڑا گیا،اداروں کے ترجمان قوم کو سچ بتا دیں وگرنہ قوم کا نقصان ہوگا، جبانی کو رہا کردو ون پوائنٹ ایجنڈا ہے حقیقت کیوں نہیں بتائی جاتی،دباؤ ہے اس کو چھڑوانے کےلیے،
جاوید لطیف کا مزید کہنا تھا کہ نو مئی کرنے والے بغاوت کرنے کے منصوبہ ساز تھے جنرل فیض حمید منصوبہ بندی کا حصہ تھے اس ماسٹر مائنڈ کے ساتھ تھے جس نے ادارے میں بغاوت کروائی جو کہ ناکام ہوئی،اگر کسی دوسرے ملک میں باغی پلاننگ کرتا تو گولی مار دی جاتی۔آج گھر کا بھیدی گھر کو پڑ گیا ہے اس نے عالمی قوتوں کی خواہش کو بھی پورا کیا تھا آج کے حالات میں پورا سچ نہیں بولا جا رہا آج پورا سچ نہیں بولیں گے تو پھر قوم متحد نہیں ہو سکے گی۔
نادرا جیسا حساس نوعیت کا ڈیٹا مختلف کمپنیز لیک کرنے لگیں ،مقدمہ درج
مونس الہی کی گرفتاری کے لیے اقدامات کرنے کا حکم
