کراچی : شارع پاکستان پر قصورکے تاجروں سے 3 نامعلوم ملزمان اسلحے کے زورپرسوا کروڑروپے لوٹ کرفرار ہوگئے۔
باغی ٹی وی : شہر قائد میں ڈکیتی کی ایک اور بڑی واردات ، شارع پاکستان پر قصورکے تاجروں سے 3 نامعلوم ملزمان اسلحے کے زورپرسوا کروڑروپے لوٹ کرفرار ہوگئے لوٹی جانے والی رقم میں 78لاکھ روپے مالیت کے 10 والے نئے نوٹ بھی شامل تھے ،متاثرہ تاجر قصور میں شادی بیاہ میں استعمال کیے جانے والے ہار بنانے کا کاروبار کرتے ہیں۔
پولیس کی بروقت کاروائی:دماغی طور پرمفلوج شخص کو مشتعل ہجوم سےبچالیا
سمن آباد تھانے کے علاقے فیڈرل بی ایریا بلاک 17 شارع پاکستان پر سوزوکی پک اپ میں سوار قصورکے تاجروں سے 3 نامعلوم ملزمان اسلحے کے زورپرسوا کروڑروپے لوٹ کرفرار ہوگئے، تاجرجس سوزوکی میں سوارتھے مسلح ملزمان فرارہوتے ہوئے وہ بھی اپنے ساتھ لے گئے۔
متاثرہ تاجررمضان اپنے پارٹنرمشتاق کے ہمراہ منگل کی دوپہر12 بجے قصورسے کراچی پہنچا تھا اورنئے نوٹوں کی خریداری کے لیے میٹھادر گیا تھا جہاں تاجروں نے 78 لاکھ روپے مالیت کے10 والے نئے نوٹ خریدے اور 13 چینی کے بوروں میں پیک کیے جبکہ تاجرکے پارٹنرمشتاق کے سیاہ رنگ کے سفری بیگ میں ان کے کپڑے اورتقریبا 37 لاکھ روپے موجود تھے –
متاثرہ تاجر جناح کالونی بیرون کوٹ فتح دین قصور پنجاب کے رہائشی ہیں اورقصور میں شادی بیاہ میں استعمال کیے جانے والے ہار بنانے کا کاروبار کرتے ہیں ۔ انھوں نے بتایا کہ تاجروں کے ساتھ ہونے والی واردات منگل کی رات 8 بجے کے قریب پیش آئی۔ واردات کے بعد پولیس نے تاجررمضان کی مدعیت میں مقدمہ درج کرکے واردات میں ملوث ملزمان کی تلاش شروع کردی ہے۔
