ملک میں ڈینگی کیسز کی تعداد خطرناک حد تک پہنچ گئی، مزید بڑھنے کا خدشہ

ملک میں ڈینگی کیسز کی تعداد خطرناک حد تک پہنچ گئی، ملک بھر سے 10 ہزار افراد میں ڈینگی وائرس کی تصدیق ہوچکی ہے جب کہ صرف صوبہ پنجاب سے ڈھائی ہزار کے قریب کیسز سامنے آئے ہیں۔

تفصیلات کے مطابق :ملک میں ڈینگی کیسز کی تعداد خطرناک حد تک پہنچ گئی، ملک بھر سے 10 ہزار افراد میں ڈینگی وائرس کی تصدیق ہوچکی ہے. اس سلسلے میں پریس کانفرنس کرتے ہوئے ڈاکٹر ظفر مرزا کا کہنا تھا کہ ڈینگی کی صورتحال پر مکمل نظر ہے، اگلے 10 دنوں میں تعداد مزید بڑھ سکتی ہے، حکومت ڈینگی کی روک تھام کے لیے ہر ممکن اقدامات کررہی ہے، اسلام آباد میں ڈینگی کنٹرول اینڈ آپریشن سینٹر بنا دیا گیا ہے جب کہ صوبے بھی اپنا کردار ادا کررہے ہیں، ڈینگی کے بڑھتے کیسز کی وجہ سے نجی اسپتالوں سے بھی رابطہ کیا ہے۔ بعض سیاسی جماعتیں ڈینگی کے معاملے پر سیاست کررہی ہیں ڈینگی کے مسئلے کو سیاسی جماعتیں فٹ بال نہ بنائیں۔انہوں نےکہا کہ یہ ایک قدرتی آفت ہے جس پر سیاست نہیں کرنی چاہیئے.

محکمہ صحت پنجاب نے بتایا کہ 24 گھنٹوں کے دوران مزید 5 افراد ڈینگی بخار میں مبتلا ہوکر جان سے ہاتھ دھو بیٹھے ہیں جس کے بعد صوبے میں ہلاکتوں کی تعداد 19 ہوچکی ہے
اس سے پہلے مریم اورنگزیب نے کہا تھا کہ افسران کومعطل کرکےنااہل حکمران مجرمانہ غفلت،نالائقی پرپردہ نہیں ڈال سکتے، وزیراعلیٰ، وفاقی و صوبائی وزراء، مشیراسپتالوں میں دفاتر کھولیں، پورےملک میں ایمرجنسی نافذکی جائے،ڈینگی کےٹیسٹ،دوائی کومفت کیاجائے، ڈینگی ہیلپ لائن جوشہبازشریف بناگئےتھےاُس کو24گھنٹوں کیلئےکھولاجائے، سرکاری خرچ پرپریس کانفرنسوں،سوشل میڈیا،بیانات سےڈینگی کاخاتمہ نہیں ہوگا،

مریم اورنگزیب نے کہا کہ دنیا کو پتہ ہےکہ ڈینگی مریضوں کی تعداد 10ہزار ہو چکی ہے