پاکستان ڈرامہ انڈسٹری کی معروف اداکارہ دانش تیمور پاکستان کے بہترین اور با صلاحیت اداکارہیں انہوں نے اپنی جانداری اداکاری کے باعث پاکستان کو ایک کے بعد ایک ہٹ ڈرامہ د یا ہے ان کے ڈراموں کو شائقین کی جانب سے بے حد پذیرائی اور مقبولیت حاصل ہوتی ہے تاہم حا ل ہی میں اداکار نے ڈرامہ سیریل دیوانگی میں محبت اور پذیرائی دینے پر اپنے مداحوں کا شکریہ ادا کیا ہے

باغی ٹی وی :دانش تیمور نےسوشل میڈیا سائٹ انسٹاگرام پر اپنی ایک تصویر شیئر کرتے ہوئے پوسٹ میں لکھا کہ شکل سے گندہ لگتا ہوں پر ہوں شریف آدمی۔
https://www.instagram.com/p/CEXUbn6HKtb/?igshid=q14kvaw866ja
دانش تیمور نے لکھا کہ اگرچہ سلطان درانی کا آج رات اختتام ہو گیا ہے لیکن وہ ہمیشہ میرے دل میں زندہ رہے گا۔ میرے دیوانگی سفر کے آغاز سے ہی سلطان میرے دل سے بہت قریب رہا ہے اور پھر مداحوں کی پذیرائی پر انہیں بہت خوشی محسوس ہوئی۔

انہوں نے ڈرامے ’دیوانگی‘ کے اختتام پر تمام ٹیم اور مداحوں کا شکریہ ادا کرتے ہوئے کہا کہ وہ اس پروجیکٹ کے پیچھے جینیئس دماغوں عبداللہ کادوانی اور اسد قریشی اور پوری ٹیم کے انتہائی مشکور ہیں جنہوں نے ان پر اعتماد کیا اور انہیں اتنا اچھا کردار دیا۔

اداکار نے ساتھی اداکارہ حبا بخاری اور علی عباس کے بارے میں کہا کہ وہ دونوں باصلاحیت اور پیشہ ورانہ اور ایک بہترین اداکار ہونے کے ساتھ بہترین انسان بھی ہیں اور انہیں ان کے ساتھ کام کر کے بہت اچھا لگا۔

اپنی پوسٹ کے آخر میں دانش نے ڈرامے میں شائقین کا خصوصی طور پر شکر ادا کرتے ہوئے اپنے کردار ’سلطان‘ سے متعلق یہ بھی لکھا کہ آپ سب مداحوں کی محبت اس بات کا ثبوت ہے کہ سلطان شکل سے گندہ لگتا تھا پر تھا شریف آدمی۔

یمنیٰ زیدی دنیا بھر میں موجود اپنے مداحوں کی شُکرگزار