دارارقم سکول ننکانہ میں اساتذہ کے لیے پروقار عشائیہ کا اہتمام

ننکانہ صاحب:(نمائندہ باغی ٹی وی عبدالرحمان یوسف سے)
داد ارقم سکول ننکانہ صاحب میں کووڈ-19 آن لائن ورکنگ کرنے والے اساتذہ کے اعزاز میں پروقار تقریب کا انعقاد کیا گیا۔تقریب کے مہمان خصوصی ریجینل ڈائریکٹر سلیم احمد شیخ صاحب اور حافظ ڈاکٹر ساجد صاحب تھے۔
حافظ ڈاکٹر ساجد صاحب نے حاضرین سے خطاب کرتے ہوئے کہا کہ اللہ نے انسان کی تخلیق اس لیے کی وہ اس کی عبادت کرے اور اس کے احکامات کو بجا لائے۔
ریجینل ڈائریکٹر سلیم احمد شیخ صاحب نےگفتگو کرتے ہوئے اساتذہ کو اسی طرح محنت اور لگن سے اپنے فرائض منصبی ادا کرنے کی تلقین کی۔تقریب کے آخر میں اساتذہ کی حوصلہ افزائی کے لئے انعامات تقسیم کیے گئے۔