سیمی کا خاکہ ،سیمی نے اسکیچ تیار کرنے والے کم عمر مداح شاہ خان سےملاقات کر کےمحبت کا حق ادا کردیا

راولپنڈی :سیمی کےکم عمر مداح نےخاکہ تیار کرلیا،سیمی نے اسکیچ تیار کرنے والے کم عمر مداح شاہ خان سےملاقات کر کےمحبت کا حق ادا کردیا ،اطلاعات کےمطابق ویسٹ انڈیز کرکٹ ٹیم کے سابق کپتان اور پاکستان سُپر لیگ میں پشاور زلمی کی قیادت کرنے والے ڈیرن سیمی کا پاکستان سے تعلق رکھنے والے کم عمر مداح نے اسکیچ بنا دیا۔

ذرائع کےمطابق پاکستان سُپر لیگ کی فرنچائز پشاور زلمی کے کوچ ڈیرن سیمی نے اسکیچ تیار کرنے والے کم عمر مداح شاہ خان سے ملاقات کر لی۔

سوشل میڈیا پر معروف اسپورٹس اینکر کی جانب سے یہ اسکیچز شیئر کئے گئے۔ٹوئٹ کے مطابق ڈیرن سیمی کے اسکیچز بنانے والے کم عمر لڑکے کا نام شاہ خان ہے جو ڈیرن سیمی کے مداح ہیں۔انہوں نے یہ بھی لکھا تھا کہ شاہ خان کے کمرے میں ڈیرن سیمی کی بہت سی پینٹنگز رکھی ہوئی ہیں۔

Drawn by a little fan name Shah Khan for you, He told me his room is full of Sammy Pictures painted by him self. He wants to meet you & gift you this @darensammy88 pic.twitter.com/83kFk4N4AR

— Ihtisham Ul Haq (@iihtishamm) February 27, 2020

ڈیرن سیمی کو ٹیگ کرتے ہوئے انہوں نے کہا کہ شاہ خان آپ سے مل کر یہ اسکیچز آپ کو بطور تحفہ پیش کرنا چاہتا ہے۔ڈیرن سیمی نے بھی نو عمر لڑکے کی اسکیچ کی گئی تصویروں کو شیئر کیا اور سراہا۔

واضح رہے کہ ڈیرن سیمی پاکستان آنے پر راضی ہونے والے ابتدائی کھلاڑیوں میں سے ایک تھے اور انہوں نے دنیا میں پاکستان کو کرکٹ کیلئے ایک محفوظ ملک قرار دینے کی مہم میں اہم کردار ادا کیا۔ ڈیرن سیمی کو پاکستان کی اعزازی شہریت 23 مارچ کو ملے گی، جس کے بعد وہ پاکستانی شہری بھی کہلائے جائیں گے۔