سیالکوٹ،باغی ٹی وی(بیوروچیف شاہد ریاض)انجمن خدمت خلق رجسٹرڈ ڈسکہ کا ماہانہ(744 واں)اجلاس زیر صدارت خان عباس خان سینئر نائب صدر بمقام زچہ بچہ ہسپتال پسرور روڈ ڈسکہ منعقد ہوا۔
اجلاس کا آغاز تلاوت قرآن پا ک سے ہوا جسکی سعادت حاجی عبد الرحمان بہگل نے حاصل کی۔ نعت رسول ِ مقبول ﷺ کی سعادت انوار احمد سیال نے اور نعتیہ اشعار حاجی ضرار احمدنے پیش کئے۔
جنرل سیکرٹری محمد انور مغل نے گزشتہ ماہانہ جلاس ماہ مئی کی کاروائی پیش کی، جسکی متفقہ طور پر توثیق کر دی گئی۔ فنانس سیکرٹری انوار احمد سیال نے اپنی رپورٹ میں آمدن و اخراجات ماہ مئی کا گوشوارہ پیش کیا، بعد بحث جسکی منظوری دے دی گئی۔
سیکرٹری نشرو اشاعت سہیل سلمان ٹھروہی نے اپنی رپورٹ میں گزشتہ ماہانہ اجلاس کی شائع شدہ خبریں پڑھ کر سنائیں، ان کی کارکردگی کو سراہا گیا۔
اجلاس میں فلسطین کے مظلوم مسلمانوں پر اسرائیلی جارحیت کی شدید مذمت کی گئی اور شہداء کے لئے دعا کی گئی۔
اجلاس میں ممبران نے شہر ڈسکہ میں پارکنگ کے مسائل کو حل کرنے بارے انتظامیہ سے مطالبہ کیا کہ گاڑیوں کی پارکنگ کے لئے مناسب جگہ کا بندوبست کیا جائے تاکہ عوام کو لفٹر سے پیدا ہونے والی پریشانی کا سامنا نہ کرنا پڑے۔
آخر میں اجلاس کے میزبان قاری محمد احسن رضا کی تواضع اور حافظ عبدالغفار نے دعائے خیر کروائی.
Leave a reply
