Ayesha Rehmani
اسلام آباد: وزیرِ خارجہ اسحاق ڈار کی بطور ڈپٹی وزیراعظم تعیناتی پر پاکستان تحریک انصاف (پی ٹی آئی) نے ردعمل میں کہا کہ دستورِ پاکستان میں نائب وزیر اعظم کا کوئی عہدہ موجود نہیں-
باغی ٹی وی : ترجمان تحریک انصاف نے رد عمل دیتے ہوئے کہا کہ دستورِ پاکستان میں نائب وزیر اعظم کا کوئی عہدہ موجود نہیں، ایسے کسی عہدے کی نہ تو کوئی آئینی حیثیت ہے اور نہ ہی گنجائش، آئین کے آرٹیکل 90 اور 91 میں وفاقی حکومت کی ترتیب و تنظیم کا طریقہ کار وضع کیا جا چکا ہے، نائب وزیر اعظم جیسے عہدے کی تخلیق کے لیے آئینی ترمیم کی ضرورت ہے، آئینی ترمیم کا اختیار مینڈیٹ سے محروم جعلی حکومت کے پاس نہیں، سمدھی کی تعیناتی مقصد اقتدار کی بندربانٹ سے پراکسیز کو بااختیار بنانا ہے۔
ہم ملک کی خاطر پی ٹی آئی کے ساتھ بات چیت کے لیے تیار ہیں،رانا …
تحریک انصاف کے ترجمان کا کہنا تھا کہ اسحاق ڈار کی بطور ڈپٹی وزیراعظم تعیناتی خود ان کے اتحادی بھی قبول کرنےکو تیار نہیں، اسحاق ڈار کی بطور وزیرخزانہ نااہلی اور نالائقی کے باعث معیشت دیوالیہ کے دہانے پر جاپہنچی، پاکستانی قوم 8 فروری کو موروثی سیاست کے اس کھیل کو یکسر مسترد کر چکی ہے، شکست خوردہ ٹولہ نت نئے تجربوں کے بجائے اپنی نااہلی کو تسلیم کرے، آئینی عہدوں کی تخلیق کا مقصد اقتدار کی باگ دوڑ کو اپنی آئندہ نسلوں تک منتقل کرنا ہے۔
یاد رہے کہ حکومت نے ن لیگ کے مرکزی رہنما و وزیرخارجہ اسحاق ڈار کو ڈپٹی وزیراعظم مقرر کیا ہے جس کا کابینہ ڈویژن نے نوٹی فکیشن جاری کر دیا ہے جو فوری نافذ العمل ہو گا۔
