دریائے چناب بپھر گیا، سیلابی ریلہ جھنگ میں داخل ، درجنوں دیہات دیگر علاقوں سے کٹ گئے
باغی ٹی وی : ملک میںشدید بارشی صورت حال جاری ہے. دریائے چناب بپھر گیا، سیلابی ریلہ جھنگ میں داخل ہوگیا جس کے باعث 50 سے زائد دیہات اور بستیاں زیر آب آگئیں، لوگ اپنی مدد آپ کے تحت مال مویشیوں سمیت محفوظ مقامات پر منتقل ہو رہے ہیں۔
دریائے چناب اور جہلم میں طغیانی کے باعث دریا کنارے آباد 50 سے زائد دیہات اور بستیاں زیر آب، لوگ اپنی مدد آپ کے تحت مال مویشیوں کو لیکر محفوظ مقامات پر منتقل ہونا شروع ہوگئے۔ ضلعی انتظامیہ کی طرف سے بروقت سیلاب آمد کی اطلاع کے پیش نظر کسی جانی نقصان کی اطلاع نہیں ہے۔
دوسری جانب سیلابی علاقوں میں وبائی امراض سے بچنے کیلئے محمکہ صحت کی طرف سے تاحال کوئی فلڈ ریلیف کیمپ نہ لگایا جاسکا ہے جس کے باعث عوام کو پریشانی کا سامنا ہے تاہم ریسکو 1122 پوری طرح متحرک ہے، 13 مختلف پوائنٹ پر ریسکو نے متاثرین کی مدد کیلئے کیمپ قائم کر دیئے ہیں۔
ادھر پنجاب حکومت کی سیلابی صورتحال سے نمٹنے کیلئے تیاریاں مکمل ،اطلاعات کے مطابق پنجاب حکومت نے صوبے بھر میں فلڈ ریلیف اینڈ ریسکیو سرگرمیوں کی مانیٹرنگ کیلئے کنڑول روم قائم کر دیا، صوبائی وزیر اطلاعات فیاض الحسن چوہان کا کہناہے کہ پنجاب بھر میں شدید بارشوں سے بننے والی سیلابی صورتحال کے حوالے سے بزدار حکومت کی تیاریاں مکمل ہیں۔
پنجاب حکومت نے مون سون کی بارشوں اور متوقع اربن فلڈ کی صورتحال کے پیش نظر واسا، ضلعی انتظامیہ اور پی ڈی ایم اے کو 24 گھنٹے الرٹ رکھتے ہوئے مانیٹرنگ کنٹرول روم قائم کردیا ہے۔ کنٹرول روم سے دریائے جہلم، دریائے چناب، خانکی بیراج سمیت دیگر بیراجوں کی چوبیس گھنٹے مانیٹرنگ کی جارہی ہے
