چارسدہ( ) الیکشن کمیشن آف پاکستان اور صوبائی الیکشن کمیشن کے احکامات پر بلدیاتی انتخابات 2021 کی چارسدہ میں پرامن اور غیر جانبدار انعقاد پر ڈپٹی کمشنر چارسدہ سعادت حسن نے چارسدہ کے عوام سمیت تمام سرکاری محکموں کوخراج تحسین پیش کیا ہے
ان کا مزید کہنا تھا کہ تمام سرکاری اداروں نے ضلع کی بہتری کے لئے دن رات محنت کرکے پرامن انتخابات کا انعقاد ممکن بنایا ،پولیس اور صحافی برادری سمیت غیر سرکاری تنظیموں کے اہلکاروں نے بھی ضلع کی تعمیر و ترقی کے لئے کردار اد ا کیا ہے ۔
چارسدہ میں 19دسمبر کو احتتام پذیر ہونے والے بلدیاتی انتخابات کے کامیاب پرامن اور غیر جانبدار انعقاد پر ڈپٹی کمشنر چارسدہ سعادت حسن نے انتخابات کے انتظامات مکمل کرنے والے مختلف سرکاری اداروں کے افسران اور دیگر اہلکاروں جن میں تمام ریٹرننگ افسران، ایڈیشنل ڈپٹی کمشنرز، تمام اسسٹنٹ و ایڈیشنل اسسٹنٹ کمشنرز، محکمہ الیکشن، محکمہ پولیس، محکمہ تعلیم، محکمہ صحت، محکمہ بلدیات، محکمہ سوشل ویلفیئر ڈیپارٹمنٹ و پاپولیشن، ریسکیو 1122، سول ڈیفنس، ریونیو اہلکاروں سمیت تمام ایل ایچ ڈبلیو کو خراج تحسین پیش کیا ہے جنہوں نے گزشتہ چند روز سے مسلسل دن رات محنت کرکے ضلع بھرمیں پرامن اور غیر جانبدار انتخابات کے انعقاد کوممکن بنائے ۔
ضلع بھر سے 25سو کے قریب امیدواروں نے حالیہ بلدیاتی انتخابات میں حصہ لیا تھا جبکہ19دسمبر کے دن کے لئے 10لاکھ سے زائد ووٹرز کے لئے ضلعی انتظامیہ کی جانب سے تمام تر انتظامات مکمل کر لی گئی تھے ۔
ان کا مزید کہنا تھا کہ پرامن انتخابات کے انعقاد کے لئے چارسدہ پولیس نے ایک بہترین سیکیورٹی پلان تشکیل دیا جس پر عمل درآمد کرتے ہوئے ضلع میں 732پولنگ سٹیشن جن میں 437 پولنگ سٹیشنز انتہائی حساس تھے کے لئے مکمل سیکورٹی فراہم کی گئی جبکہ عبدالولی خان سپورٹس کمپلکس سے الیکشن میٹرئل کے موقع پر بھی بہترین سیکورٹی کے انتظامات کئے گئے ۔ ضلع بھر میں مجموعی طور پر ساڑھے پانچ ہزار پولیس اہلکاروں نے انتخابات کی سیکورٹی میں حصہ لیا جس پر ڈپٹی کمشنر اور چارسدہ کے عوام ڈسٹرکٹ پولیس آفیسر چارسدہ آصف بہادر خان کا شکریہ ادا کیا ۔
اسی طرح چارسدہ کے صحافی برادری نے بھی غیر جانبدار انتخابات کے انعقاد اور ضلع میں ایک جمہوری عمل مکمل کرنے کے لئے ضلع انتظامیہ کے ساتھ بھر پور تعاون کیا جس پر ضلعی انتظامیہ ان کی بے حد مشکور ہیں ۔
دوسری جانب چارسدہ کے عوام نے حصوصی طور پر ضلع انتظامیہ کے ہر آواز پر لبیک کرتے ہوئے پرامن اور ایک ذمہ داری شہری ہونے کا ثبوت پیش کیا ہے جس پر ضلعی انتظامیہ کے تمام افسران ان کے بے حد مشکور ہیں
