بابائے خدمت کا ہم سے بچھڑے تین برس بیت گئے لیکن نام زندہ ہے

عبدالستارایدھی کی آج تیسری برسی منائی جارہی ہے،
ممتازفلاحی وسماجی شخصیت عبدالستارایدھی کی آج (پیر) تیسری برسی منائی جارہی ہے۔ عبدالستارایدھی نے 1951ء میں کراچی کے قدیم شہری علاقے کھارادرمیں ایک چھوٹی ڈسپنسری کے قیام سے سماجی خدمات کاسلسلہ شروع کیا جسے بعدمیں توسیع دیتے ہوئے انہوں نے ایدھی فائونڈیشن قائم کی۔
عبدالستارایدھی نے نہ صرف انسانی فلاح وبہبودبلکہ ملک بھرمیں جانوروں کے لئے بھی کئی ادارے قائم کئے جواُن کی اہلیہ اوربیٹے کی سرپرستی میں بخوبی کام کررہے ہیں۔وہ طویل علالت کے بعد 8جولائی2016ء کو خالق حقیقی سے جاملے۔
قوم ممتازسماجی شخصیت عبدالستارایدھی کی آج تیسری برسی کے موقع پراُن کی خدمات کے اعتراف میں انہیں خراج تحسین پیش کررہی ہے۔