عوام سوشل میڈیا کی افواہوں پر کان نہ دھریں تعلیمی ادارے کھلیں رہیں‌ گے:وفاقی وزیرتعلیم شفقت محمود

اسلام آباد:سندھ کے علاوہ باقی تمام صوبوں میں تعلیمی ادارے کھولنے کا فیصلہ کیاہے:اطلاعات کے مطابق وفاقی حکومت کی طرف سے کورونا وبا کے تیز ہونے کے دوران سکول کھولنے کے حوالے سے اہم فیصلوں سے آگاہ کرتے ہوئے شفقت محمود نے کہا ہےکہ پہلے ہی بہت نقصان ہوچکا اب سکول بند نہٰں ہوں گے

اسی سلسلے میں انسداد کورونا کے قومی ادارے نیشنل کمانڈ اینڈ آپریشن سینٹر (این سی او سی) نے صوبہ سندھ کے علاوہ دیگر تمام صوبوں میں قائم تعلیمی اداروں کو بتدرج کھولنے کا فیصلہ کر لیا ہے۔

این سی او سی اجلاس کے بعد میڈٰیا کو بریفنگ میں وفاقی وزیر تعلیم شفقت محمود کا کہنا تھا کہ تمام تعلیمی ادارے 50 فیصد طلبہ حاضری کیساتھ کھولنے کی اجازت ہوگی۔ امتحانات شیڈول کے مطابق جاری رہیں گے۔

وفاقی وزیر تعلیم شفقت محمود کی پریس کانفرنس https://t.co/m5xcobrwal

— Baaghi TV باغی ٹی وی (@BaaghiTV) August 4, 2021

ان کا کہنا تھا کہ صوبہ سندھ میں تمام تعلیمی ادارے پہلے ہی 8 اگست تک بند رکھنے کا فیصلہ کیا گیا ہے کہ وزیر تعلیم سندھ سعید غنی کورونا کی صورتحال کا جائزہ لے کر صوبے میں موجود تعلیمی اداروں کو کھولنے کا فیصلہ کرینگے۔

وفاقی وزیرتعلیم شفقت محمود نے اس موقع پرکہا کہ ملک بھر کی جامعات اوردیگرتعلیمی اداروں میں 31 اگست تک کورونا ویکسینیشن لازمی قراردی گئی ہے تاکہ اس وبا سے تعلیمی ادارے محفوظ رہیں

وزیر تعلیم نے کہا کہ عوام سوشل میڈیا کی افواہوں پر کان نہ دھریں، بچوں کی صحت اور تعلیم کا خیال رکھا جائے گا۔ اگلی میٹنگ 25 اگست کو طلب کی ہے جس میں اگلے لائحہ عمل کا جائزہ لیا جائے گا۔