ڈیفینس پولیس کا ایکشن، پیشہ ور اسٹریٹ کرمنلز گرفتار

کراچی: ایس ایس پی ساؤتھ زبیر نذیر کے احکامات پر ڈیفینس پولیس نے پیشہور اسٹریٹ کرمنلز اور موٹر سائیکل لفٹرز کے خلاف کریک ڈاون کرتے ہوئے دو عادی ملزمان کو حراست میں لے لیا۔

ایس ایچ او ڈیفینس نے انٹیلیجنس بیس پر کارروائی کرتے ہوئے فیز 7 ایکسٹینشن نزد صفاء یونیورسٹی کے پاس سے دو پیشہ ور اسٹریٹ کرمنلز کو گرفتار کر لیا۔ گرفتار ملزمانسے پولیس نے دو عدد پسٹل ،چار عدد چھینے گئے موبائل فونز، ڈیفینس سے چوری کی گئ موٹر سائیکل نمبر KMZ 2090 میکر یونین اسٹار 70 ماڈل 2019 جس کا مقدمہ ڈیفینس تھانے میں درج ہے برآمد کر لی۔

دوران تفتیش ملزمان نے مختلف تھانہ جات کی حدود میں وارداتوں کا انکشاف کیا ہے۔ ان سے مزید تفتیش جاری ہے۔ ملزمان عادی جرائم پیشہ ہیں اور پہلے بھی متعدد بار جیل جا چکے ہیں۔ ملزمان کے نام اللہ دتہ، ولد خدا بخش اور ماجد ولد رحیم بخش ہیں۔ مقدمہ الزام نمبر 81/2021 بجرم دفعہ (23) (1) A اسلحہ ایکٹ اور مقدمہ نمبر 82/2012 کے تحت ڈیفینس میں درج کیا گیا۔ ملزمان کے سابقہ کیسس کی تفصیلاتدرج ذیل ہیں:

ملزم ( ماجد ولد رحیم بخش منگی) مقدمہ الزام نمبر385/2009 بجرم دفعہ457/380 ت پ (عوامیKIA)،
574/2010 بجرم دفعہ 392/34ت پ (تھانہ عوامی کالونی )، 112/2019 بجرم دفعہ 23 (1) A اسلحہ ایکٹ (تھانہ لانڈہی)،
357/2019 بجرم دفعہ392/34 ت پ (عوامی KIA)۔

سابقہ کیس تفصیلات ملزم ( اللہ دتہ ولد خدا یار) مقدمہ الزام نمبر54/2020 بجرم دفعہ392/34 ت پ (عوامی کالونی)،
148/2020 بجرم دفعہ 23 (1) A اسلحہ ایکٹ (تھانہKIA)۔
ملزمان کے خلاف کاروائی جاری ہے۔