لاہور :ڈینگی کے خلاف محکمہ صحت کو بہت بڑی کامیابی مل گئی ہے اور اطلاعات کے مطابق محکمہ صحت نے گزشتہ 24 گھنٹوں میں دوران سرولینس39 11 مقامات سے ڈینگی لاروا برآمد، 83 افراد کے خلاف ایف آئی آرز کا اندراج کرایا گیا۔
ڈینگی ٹیموں نے دوران سرولینس شہر کے متعدد مقامات سے ڈینگی لاروا برآمد ہونے کی تصدیق کر دی، گزشتہ 24 گھنٹوں میں 66 ہزار 398 گھروں اور آؤٹ ڈور سرولینس کے دوران 15 ہزار 186 مقامات کی چیکنگ کی گئی، جبکہ ہسپتال بھی ڈینگی ایس او پیز اپنانے میں ناکام رہے،
ذرائع کے مطابق لاہور میںعمر ہسپتال جوہر ٹاؤن، حیات میموریل ہسپتال اور ممتاز بختاور ہسپتال سے ڈینگی لاروا برآمد ہوا، جس پر ہسپتال انتظامیہ کے خلاف ایف آئی آرز کا اندراج کرایا گیا، انتظامیہ کو ایک روز کے اندر ڈینگی سرولینس کو یقینی بنانے کی ہدایات دی گئی ہیں، یہ بھی معلوم ہوا ہے کہ ڈینگی کے خلاف ملک بھر میں کارروائی کی جارہی ہے اور جہاں جہاں ڈینگی کے پیداہونے کا امکان ہے وہاںصفائی ستھرائی اور اسپرے کا بھی حکم دیا گیا ہے
