ڈپٹی گورنر اسٹیٹ بینک نے خواتین اور طلبہ کے لیے اچھی خبر سنا دی
باغی ٹی وی رپورٹ کے مطابق . ڈپٹی گورنر اسٹیٹ بینک سیما کامل نے کہا ہے کہ خواتین محدود وسائل میں گھر چلاتی ہیں، گھر سے ملک چلتا ہے،خواتین 100 روپے میں کسی بھی بینک میں ’’آسان اکاؤنٹ‘‘ کھول سکتی ہیں.آسان اکاؤنٹ صرف شناختی کارڈ پر کھولا جاسکتا ہے.اکاؤنٹ کھولنے کے کوئی چارجز نہیں، کم از کم رقم رکھنے کی بھی کوئی شرط نہیں،آسان اکاؤنٹ میں ماہانہ 5 لاکھ روپے کی رقم جمع اور نکالی جاسکتی ہے.5 لاکھ سے زائد کاروبار کی صورت میں آمدنی کا ثبوت دینا ہوگا.آسان اکاؤنٹ پر منافع بھی ملتا ہے.
ڈپٹی گورنر اسٹیٹ بینک کا کہنا تھا کہ آسان اکاؤنٹ سب کیلئے ہے، طلباء بھی کھول سکتے ہیں.ملک میں خواتین کے اکاؤنٹ 18 فیصد اور مردوں کے 51 فیصد اکاؤنٹ ہیں.بینکوں سے تعلیم، شادی اور گھر کی تعمیر کا لون ملتا ہے، لیکن خواتین کو علم نہیں.خواتین کاروبار کیلئے 5 فیصد شرح سود پر50 لاکھ تک لون لے سکتی ہیں.وزیراعظم کامیاب جوان اسکیم سے خواتین کو 10 لاکھ تک بغیر زرضمانت قرض لے سکتی ہیں.
ان کا کہنا تھا کہ کامیاب جوان اسکیم پروگرام میں 25 فیصد خواتین کیلئے کوٹا رکھا گیا ہے،خواتین کی آگاہی کے لیے اسٹیٹ بینک نے فنانشنل لٹریسی پروگرام کا آغاز کیا ہے،پروگرام کے ذریعہ 10 لاکھ افراد کو آگاہی فراہم کی جائیگی، جس میں 50 فیصد خواتین ہوں گی، زراعت کی ترقی میں خواتین کا بڑا حصہ ہے، خواتین کی بڑی تعداد زراعت سے وابستہ ہے.روشن ڈیجیٹل اکاؤنٹ میں تین ماہ میں 60 ہزار اکاؤنٹ کھل چکے ہیں،
