ترقیاتی منصوبےبروقت مکمل کیےجائیں:سُستی ناقابل برداشت:محمود خان

پشاور:صوبے میں ترقیاتی کام تیزی سے جاری ہیں اوران میں کسی قسم کا تعطل قابل قبول نہیں ، ان خیالات کا اظہارکرتے ہوئے وزیر اعلیٰ خیبر پختونخوا محمود خان نے کہا ہے کہ ترقیاتی منصوبوں کی بروقت تکمیل پر کسی صورت سمجھوتہ نہیں کیا جائے گا۔

پشاور سے ملنے والی اطلاعات کے مطابق کے پی کے وزیراعلیٰ محمود خان کی زیرِ صدارت ترقیاتی منصوبوں سے متعلق اہم اجلاس ہوا،محمود خان کی صدارت میں ہونے والے اجلاس میں صوبائی محکموں کے تحت تکمیل شدہ منصوبوں کے افتتاح اور نئے منصوبوں کے سنگِ بنیاد رکھنے کے لئے تیاریوں کا جائزہ لیا گیا۔

وزیر اعلی خیبر پختونخوا محمود خان نے NTS لیک کیس پے نوٹس لیا؟

یہ بھی معلوم ہواہے کہ اس اہم اجلاس کو مختلف شعبوں میں افتتاح اور سنگِ بنیاد کے لئے تیار منصوبوں کے بارے میں بریفنگ دی گئی، بریفنگ دیتے ہوئے کہا گیا کہ صوبے میں اس وقت اربوں روپے مالیت کے 483 چھوٹے بڑے منصوبے افتتاح اور سنگِ بنیاد کے لئے تیار ہیں۔

بریفنگ دیتے ہوئے بتایا گیا کہ مختلف محکموں کے تحت 368 چھوٹے بڑے منصوبے افتتاح کے لئے تیار ہیں، 115 منصوبے سنگِ بنیاد رکھنے کے لئے تیار ہیں، محکمہ آبپاشی کے تحت 181 منصوبے افتتاح کے لئے تیار ہیں، محکمہ ابتدائی و ثانوی تعلیم کے تحت 71 منصوبے افتتاح تیار ہیں۔

وزیر اعلی خیبر پختونخوا محمود خان پولیس اہلکاروں کے خلاف سخت قانونی کاروائی

بریفنگ میں کہا گیا کہ اعلیٰ تعلیم کے شعبے میں 36 منصوبے افتتاح کے لئے تیار ہیں، سیاحت اور کھیل کے شعبوں میں 25 منصوبے افتتاح کے لئے تیار ہیں۔

اجلاس میں فیصلہ ہوا کہ صوبائی حکومت کےمیگامنصوبوں کا افتتاح وزیر اعلیٰ خود کریں گے، چھوٹے منصوبوں کا افتتاح متعلقہ وزراء اور ایم پی ایز کریں گے، وزیر اعلیٰ کی جانب سے ہدایت دی گئیں کہ ان منصوبوں کے افتتاح اور سنگِ بنیاد کے لئے شیڈول تیار کیا جائے۔

وزیراعلیٰ محمود خان کا ایسا اعلان کی شہبازشریف ہوگیا پریشان