لاہور : سائلین کو بار بار دفاتر کے چکر لگواتے ہو ، شرم آنے چاہیے ، لوگوں کو ذلیل کرنا چھوڑ دو میں کسی کی بھی توہین اور تذلیل برداشت نہیں کروں گا ، اطلاعات کےمطابق ڈی جی ایل ڈی اے عثمان معظم ماتحت افسران پر برس پڑے ،
ڈی جی ایل ڈی اے عثمان معظم نے افسران کی کارکردگی سے نالاں، میٹنگ میں افسران کو کھری کھری سنادیں۔ ایل ڈی اے افسران کی کارکردگی صفر آپ کی آنیاں جانیاں لگی رہتی ہیں یہ ہرگز برداشت نہیں،ڈی جی عثمان معظم نے اسٹیٹ مینجمنٹ، ٹاؤن پلاننگ، ایڈمنسٹریشن اور ون ونڈو سیل سب کی کارکردگی پر عدم اعتماد کا اظہار کردیا۔
ذرائع کے مطابق آج ایک اہم اجلاس میں عثمان معظم نے دوران اجلاس تمام سینئر افسران کی کھینچائی کردی، گزشتہ روز اجلاس میں افسران کی جانب سے کارکردگی کے حیلے بہانوں پر ڈی جی خوب برہم ہوئے، چیف میٹرو پولٹین پلانر ندیم اختر زیدی کو آڑے ہاتھوں لیتے ہوئے کہا کہ رہائشی سکیموں پر غیر قانونی تعمیرات عروج پر ہیں جبکہ افسران فیلڈ وزٹ کرنا گوارا نہیں کرتے۔