ڈی جی رینجرز (سندھ) میجر جنرل افتخار حسن چوہدری نے اقراء یونیورسٹی نارتھ کراچی کیمپس کادورہ کیا۔اس موقع پر یونیورسٹی کے چیئر مین حنید حسین لا کھانی، وائس چا نسلرڈاکٹروسیم قا ضی،انتظامیہ اور طلباء نے ڈی جی رینجرز کو خوش آمدید کہا۔اس موقع پر ڈی جی رینجرز (سندھ) کو یونیورسٹی کے مختلف شعبہ جات کا دورہ کرایا گیا۔
ڈی جی رینجرز (سندھ) نے تعلیم کے میدان میں چیئر مین حنید حسین لا کھا نی اور اقراء یونیورسٹی کی خد مات کو خراج تحسین پیش کیا اور کہا کہ بہت ساری کمزوریوں اور وسا ئل کی کمی کے با وجود تعلیم و صحت کے میدان میں کراچی کے شہر یوں کا تعاون اور جذبہ مثا لی ہے۔ ڈی جی رینجرز (سندھ) نے مز ید کہا کہ تیزی سے تبد یل ہو تے ہو ئے ٹیکنا لو جی کے عوامل، انفار میشن ایج اور منشیات جیسے بڑے ایشوز کا تقا ضا ہے کہ طلباء و طا لبات نہ صر ف تعلیم حا صل کریں بلکہ اسکے ساتھ سا تھ اپنے آپ کو جدید سوچ، رویوں اور چیلنجز کے ساتھ ہم آہنگ بھی رکھیں۔ ہمارے درست معا شر تی رویے اور اقدار ہی ہمیں ان حالات میں کا میا بی کی طر ف لے جا سکتے ہیں۔ اس موقع پر یونیورسٹی کے چیئر مین، وائس چانسلر، انتظامیہ اور طلباء نے قیام امن میں رینجرز کی کوششوں کو سراہا۔
