ڈی جی ایکسائز صالحہ سعید کی تعیناتی کے خلاف درخواست پر مزید دلائل طلب

باغی ٹی وی کی رپورٹ کے مطابق لاہور ہائی کورٹ میں ڈی جی ایکسائز صالحہ سعید کی تعیناتی کے خلاف درخواست پر سماعت ہوئی

عدالت نے درخواست کے قابل سماعت ہونے پر مزید دلائل مانگ لیے، جسٹس جواد الاحسن نے کہا کہ ہر درخواست پر نوٹس جاری نہیں کر سکتے ،لاہور ہائیکورٹ میں ڈی جی ایکسائز صالحہ سعید کی تعیناتی کے خلاف گزشتہ روز درخواست دی گئی تھی، درخواست گزار ایڈووکیٹ شہباز اکمل جندران نے ایڈوکیٹ ندیم سرور کے توسط سے دائر درخواست میں حکومت پنجاب سمیت دیگر کو فریق بناتے ہو ئے موقف اختیار کیا ہے کہ 30 ستمبر کو گریڈ 20 کے مسعود الحق کو ڈی جی کے عہدے سے ہٹا کر انکہ جگہ گریڈ 19 کی افسر صالحہ سعید کو ڈائریکٹر جنرل ایکسائز ٹیکسیشن اینڈ نارکوٹکس کنٹرول پنجاب تعینات کیاگیا۔

درخواست گزار نے درخواست میں نشاندہی کی کہ پنجاب گورنمنٹ سول سرونٹ ایکٹ کے تحت جونیئر افسر کو بڑے عہدے پر تعینات نہیں کیا جاسکتا، سپریم کورٹ نے بھی جونیئر افسر کی سینئر عہدے پر تعیناتی غیر قانونی قرار دی جبکہ ایکسائز اینڈ ٹیکسیشن سروس رولز کے مطابق ڈائریکٹر جنرل کا عہدہ گریڈ 20 کا گریڈ 19 کا افسر تعینات نہیں کیا جاسکتا،

نواز شریف کا مریم نواز سے رابطہ، اہم ہدایات دے دیں،مریم سے ایک اور اہم شخصیت کا بھی رابطہ

درخواست گزار نے کہا کہ ایکسائز ٹیکسیشن اینڈ نارکوٹکس کنٹرول ڈیپارٹمنٹ میں 9 ڈائریکٹر پہلے ہی گریڈ 19 میں ریگولر کام کر رہے ہیں، اس صورت حال میں9 افسر اپنی ہم مرتبہ صالحہ سعید کے ماتحت کیسے کام کر سکتے ہیں۔ درخواست گزار  نے استدعا کی ہے کہ عدالت ڈی جی ایکسائز صالحہ سعید کی تعیناتی کو کالعدم قرار دے,