نیب نے حساب مانگا تو پتھر لے آئے،فیاض الحسن چوہان نے مریم نواز بارے بڑا انکشاف کر دیا

نیب نے حساب مانگا تو پتھر لے آئے،فیاض الحسن چوہان نے مریم نواز بارے بڑا انکشاف کر دیا
باغی ٹی وی کی رپورٹ کے مطابق پنجاب کے صوبائی وزیر اطلاعات فیاض الحسن چوہان نے کہا ہے کہ مریم نواز شرپسندی والا ماحول بنا کر آئیں،جس کی جتنی مذمت کی جائے کم ہے، مریم نواز پچھلے دس دنوں سے پنجاب سے بندے اکٹھے کر رہی تھی، مریم نواز منفی سوچ کی حامل ہیں،یہ جلوس لے کر آئیں جیسے نو سو چوہے کھا کر بلی حج کو چلی، کہتی تھی میری کہیں کوئی پراپرٹی نہیں اب حساب مانگا نیب نے تو کارکنان کو لے آئے جو شرپسند تھے، ٹی وی پر سب دکھایا جا رہا ہے کہ کیسے پتھر بھر کر گاڑی مین لائے گئے، بیگم صفدر اعوان نے آج مہر لگا دی کہ وہ منفی سوچ کی خاتون ہین، اب انکا یہ منصوبہ ہے کہ وہ اپنے چاچے اور کزن کی سیاست کا جنازہ نکالنا چاہتی ہے

فیاض الحسن چوہان کا مزید کہنا تھا کہ پتھراوَ کرنے والے پولیس اہلکار نہیں تھے،ن لیگ کی لیڈر شپ آج چہرہ دکھانے کے قابل نہیں رہی، ٹی وی پربھی دکھایا گیا کہ پتھراوَ کرنے والے کون تھے،ایک منظم منصوبے کے تحت ایسا ماحول پیدا کیاگیا ،مریم نواز کو نیب میں پیشی سے روکنے کے لیے ایسا ڈرامہ کیاگیا،مریم نواز آٹھ دن منتیں ترلے کرتی رہیں اور پنجاب سے 300 بندے آئے، یہ ن لیگ کا حال ہو چکا ہے.

فیاض الحسن چوہان کا کہنا تھا کہ آج مریم نواز کا پروگرام شہباز شریف کے خلاف تھا، پتھراؤ کرنے والوں کے خلاف قانونی کاروائی کریں گے.اس خاندان نے ملک دشمنوں کے خلاف ملکر سازشیں کیں، انکو عزت نہیں ذلت اور رسوائی ملے گی

مریم نواز کی نیب پیشی کے موقع پر ن لیگ کے کارکنوں کا نیب آفس کے باہر سیکورٹی اہلکاروں سے جھگڑا ہوا ہے،نیب لاہور کے باہرمسلم لیگ ن کے کارکنوں کی جانب سے پولیس پر پتھراوَ کیا گیا،پولیس نے ن لیگی کارکنان کو نیب آفس جانے سے روکا تو ن لیگی کارکنان بپھر گئے اور پولیس پر پتھراؤ کرنا شروع کر دیا جس پر پولیس کی جانب سے لیگی کارکنوں کو منتشر کرنے کے لیے شیلنگ کا استعمال کیا گیا

مریم نواز کی نیب پیشی کے موقع پر سیکورٹی کے سخت انتظامات کئے گئے تھے، باغی ٹی وی کے ذرائع کے مطابق نیب آفس کے باہر ن لیگی کارکنان کی بڑی تعداد جمع تھی ، نیب آفس کے باہر ن لیگی کارکنان کی پولیس کے ساتھ تلخ کلامی بھی ہوئی،نیب آفس کے باہر پولیس کی بھاری نفری تعینات تھی،ن لیگی کارکنوں کو پولیس اہلکاروں کو نیب آفس آنے سے روک دیا

نیب نے مریم نواز کو مختلف موضع جات کی چودہ سو چالیس کنال اراضی کے متعلق تفتیش کیلئے طلب کیا ہے۔ مسلم لیگ ن نے اپنے کارکنان کو رائیونڈ اور نیب لاہور آفس پہنچنے کی ہدایت کی ہے۔ جس کے بعد نیب آفس لاہور کے باہر سیکیورٹی کے انتظامات بھی کیے گئے اور خاردار تاریں لگا کر راستوں کو بند کر دیا گیا ہے.پولیس کی بھاری نفری نیب آفس کے باہر تعینات ہے اور غیر متعلقہ افراد کو نیب آفس میں جانے کی اجازت نہیں دی جا رہی.

پولیس نے میری گاڑی پر پتھراؤ کر کے شیشہ توڑا ، مریم نواز سے اتنا ڈرتے ہو تو بلاتے کیوں ہو، مریم نواز

مریم نواز کے قافلے میں پتھر گاڑیوں میں لائے گئے،نیب آفس کے باہر ن لیگی کارکنان کا پتھراؤ

مریم نواز نیب آفس پہنچ گئیں،مریم کے قافلے میں بڑا "خطرہ” کھلبلی مچ گئی

کسی سے ڈرنے والی نہیں، مریم نواز

مریم نواز پر بے بنیاد مقدمہ،حکومت کے پاس اسکے علاوہ کوئی کام نہیں، رانا ثناء اللہ برس پڑے

مریم نواز نیب روانہ، لاہور کی سڑکیں بند،روانگی سے قبل ایسا کام کیا کہ…….

مریم نواز کو آج گرفتار کیا گیا تو….پرویز رشید نے کس خدشے کا کیا اظہار