ڈیرہ غازیخان پولیس کی طرف سے فلیگ مارچ کیا گیا

ڈیرہ غازیخان،باغی ٹی ( شاہد خان )8 فروری الیکشن 2024 پر امن و امان کی صورت حال قائم کرنے اور عوام الناس کے تحفظ کو یقینی بنانے کے لئے ڈیرہ غازیخان پولیس کی طرف سے فلیگ مارچ کیا گیا۔

ڈی پی او احمد محی الدین کی قیادت میں فلیگ مارچ کا آغاز پولیس لائن ڈیرہ غازیخا ن سے ہوا۔ درجنوں پولیس کی گاڑیوں، پاک فوج، رینجرز اور دیگر محکمہ کے ہمراہ فلیگ مارچ پولیس لائن سے شروع ہو کر بمبے چوک، ہسپتال چوک، چوک چورہٹہ، ۔مصطفے چوک، سمینہ چوک، پل ڈاٹ عیسن ، کالج چوک سے واپس پولیس لائن اختتام پذیر ہوا۔

اسی طرح الگ سے تونسہ شریف اور کوٹ چھٹہ میں بھی الگ الگ فلیگ مارچ کیا گیا۔

فلیگ مارچ کا مقصد دستیاب وسائل کی ریہرسل کے ساتھ ساتھ عوام الناس کو الیکشن پر امن و امان اور تحفظ کا احساس دلانا ہے۔جرائم پیشہ اور شر پسند عناصر کو باور کرانا تھا کہ ڈسڑکٹ پولیس ڈیرہ غازیخان ہر طرح کی صورت حال سے نمٹنے کے لئے تیار ہے