خانہ و مردم شماری اہم قومی ذمہ داری ہے۔ کمشنر ڈیرہ غازی خان

ڈیرہ غازیخان(باغی ٹی وی)کمشنر ڈیرہ غازی خان ڈویژن ڈاکٹر ناصر محمود بشیر نے کہا ہے کہ خانہ و مردم شماری اہم قومی ذمہ داری ہے۔اساتذہ اور دیگر محکموں کی ٹیمیں فیلڈ میں موجود ہیں۔آن لائن ڈیٹا کے اندارج میں سینسس ٹیموں کے ساتھ تعاون کیا جائے۔ انہوں نے یہ ہدایات رات گئے جائزہ اجلاس کی صدارت کرتے جاری کیں۔ڈپٹی کمشنر جمیل احمد جمیل،ڈی پی او محمد راشد اور دیگر افسران موجود تھے راجنپور،مظفر گڑھ اور لیہ اضلاع کے ڈپٹی کمشنرز،ڈی پی اوز اور متعلقہ افسران نے ویڈیو لنک کے ذریعے اجلاس میں شرکت کی۔کمشنر ڈاکٹر ناصر محمود بشیر نے کہا کہ خانہ و مردم شماری سے متعلق رپورٹ روزانہ کی بنیاد پر بھیجی جائے۔