ڈی جی خان ۔طوفانی بارش،زلزلے کے جھٹکے ،بجلی غائب ،نظام زندگی درہم برہم

ڈیرہ غازی خان (باغی ٹی وی)ڈیرہ غازی خان اور گردونواح میں شدید آندھی و طوفانی بارش اور ژالہ باری سے ہر طرف تباہی مچ گئی،گندم کی پکی فصل کو شدید نقصان دیگر فصلات اور چارہ جات کو نقصان پہنچا، درخت زمین سے اکھڑ گئے، کئی علاقوں میں بجلی کے
پول گرگئے، بجلی غائب ہوجانے کی وجہ سے نظام زندگی درہم برہم ہوگیا ۔بارش کے بعد رات کو زلزلے کے شدید جھٹکے محسوس کیے گئے،لوگ کلمہ طیبہ کا ورد کرتے ہوئے گھروں سے باہر نکل آئے ۔ہرطرف چیخ و پکار و خوف کا عالم چھایا رہا ساری رات لوگ خوف کے مارے سو نہ سکے ۔دوسری طرف تاحال بجلی کہ بحالی نہ ہوسکی جہاں پر بجلی چالو کی گئی وولیٹیج زیادہ ہونے کی وجہ سے گھروں میں رکھی قیمتی اشیاء جل گئیں ۔