‏مہندر سنگھ دھونی کے مقبوضہ کشمیر میں داخل ہوتے ہی کشمیریوں نے بوم بوم آفریدی کے نعرے لگا دیئے۔

سری نگر: دھونی کے کشمیر میں داخل ہوتے ہی کشمیریوں نے بوم بوم آفریدی کے نعرے ،باغی ٹی وی کےمطابق ایم ایس دھونی کو دورہ کشمیرمہنگا پڑگیا، شاہد آفریدی کے کشمیر کے حق میں بیان کے بعد کشمیری نوجوانوں نے ایم ایس دھونی کے سامنے بوم بوم آفریدی کے نعرے لگا دیئے۔

سابق کپتان ایم ایس دھونی بھارتی فوج کی جانب سے منعقد کردہ کرکٹ ٹورنامنٹ میں شرکت کیلئے جموں کشمیر پہنچے تو وہاں موجود کشمیر ی عوام نےایم ایس دھونی کا ’’بوم بوم آفریدی ‘‘ کے نعروں سے بھرپور استقبال کر دیا۔

https://twitter.com/IamYasif/status/1262306851686940672

تفصیلات کے مطابق بھارتی فوج کے منعقد کردہ ایک ٹورنامنٹ میں سابق کپتان مہندرا سنگھ دھونی کو مہمان خصوصی کے طور پر کشمیر دعوت دی گئی ۔دنیا کی نظر مقبوضہ کشمیر پر توجہ دلوانے کیلئے کشمیر ی نوجوانوں کو زبردستی گرائونڈ میں اکٹھا کیا گیا

کشمیر میں قابض بھارتی فوج نے دنیا کو دکھانے کیلئے کشمیری نوجوانوں کی بڑی تعداد کو زبردستی گراؤنڈ میں اکھٹا کیا تاکہ دنیا کو یہ پیغام دیا جاسکے کہ وادی میں حالات نارمل ہوگئے ہیں، جیسے ہی مہندرا سنگھ دھونی گراؤنڈ میں داخل ہوئے تماشائیوں میں موجود چند نوجوانوں نے بوم بوم آفریدی کے نعرے لگانا شروع کردیا۔

جیسے ہی بھارتی فوج کی جانب سے نعرہ لگانے والے نوجوانوں کو چپ کروانے کی کوشش کی گئی یہ نعرہ پورے میدان میں موجود نوجوانوں کی زبانوں پر آگیا اور چند نوجوانوں کی سرگوشیوں میں کہا جانے والا بوم بوم آفریدی پورے میدار میں نعرہ بن کر گونجنے لگا۔

نعرے کو سن کر بھارتی آرمی افسران کے چہرے پر پریشانی کی شدید تاثرات ابھرنے لگے لیکن کشمیری نوجوانوں نے اپنی آواز کو کم نہیں کیا اور پوری کوشش کی کہ وہاں موجود ہر بھارتی کے کان میں یہ آواز پہنچ جائے۔

یاد رہے کہ شاہد آفریدی نے آزاد کشمیر میں بھارت کی جانب سے مقبوضہ وادی میں جاری مظالم کے خلاف بیان دیئے تھے جس کے بعد بھارتی کرکٹرز کی جانب سے سخت ردعمل سامنے آیا ہربھجن سنگھ سمیت دیگر بھارتی کھلاڑیوں نے شاہد آفریدی سے دوستی ختم کرنے کا اعلان کردیا تھا۔