ڈی آئی خان: سیکرٹری آرٹی اے کی غفلت اور مبینہ ملی بھگت ٹرانسپورٹر زائد کرایہ وصول کرنے لگے

ڈیرہ اسماعیل خان،باغی ٹی وی(احمدنواز مغل)سیکرٹری آرٹی اے کی غفلت اوربے حسی کے باعث مسافرکوچزمالکان عوام سے زائد کرایہ وصول کرنے لگے ، مہنگائی کی ماری عوام سے لوٹ مار کا بازارگرم کردیاگیاہے ، حصہ بقدرجسہ کی بناء پر سب اچھے کی رپورٹ دی جاتی ہے ، ڈیرہ کے عوامی سماجی ومختلف طبقہ فکر کی عوام نے ڈپٹی کمشنر ڈیرہ منصورارشد سے مسافرکوچز مالکان کو عوام سے لوٹ مار اورزائد کرایہ وصول کرنے سے باز رہنے کا مطالبہ کیاہے۔
تفصیلات کے مطابق ضلع ڈیرہ اسماعیل خان میں مسافرکوچز مالکان نے عوام کو لوٹنا شروع کردیاہے ۔ سرکاری نرخوں سے زائد کرایہ وصول کرنا معمول بن چکاہے ۔ سیکرٹری آر ٹی اے کی غفلت اورحسہ بقدر جسہ کی بناء پر سب اچھے کی رپورٹ پیش کی جاتی ہے۔ مسافرکوچزمیں گنجائش سے زائد مسافروں کو سوارکیاجاتاہے کہ جبکہ اکثربسیں ناکارہ ہیں اورکسی بھی وقت ناخوشگوارواقعات کا موجب بن سکتی ہیں۔ ڈیرہ کے عوامی سماجی ومختلف طبقہ فکر کی عوام نے ڈپٹی کمشنر ڈیرہ منصورارشد سے مسافرکوچز مالکان کو عوام سے لوٹ مار اورزائد کرایہ وصول کرنے سے باز رہنے کا مطالبہ کیاہے۔