بالی ووڈ کی معروف اداکارہ دیا مرزا کے گھر ننھے مہمان کی آمد ہوئی ہے۔
باغی ٹی وی: انڈیا ٹوڈے کے مطابق اداکارہ دیا مرزا اور ان کے شوہر ویبھو ریکھی کےگھر بیٹے کی پیدائش ہوئی ہے اداکارہ نے اپنے گھر ننھے مہمان کی آمد کی خوشخبری سوشل میڈیا پر شیئر کی-
💖🙏🏻💖 pic.twitter.com/iL6ioUGc15
— Dia Mirza (@deespeak) July 14, 2021
دیا مرزا نے سماجی رابطے کی ویب سائٹ ٹوئٹر پر اپنے بیٹے کی ایک بہت خوبصورت تصویر بھی شیئر کی جس میں وہ اپنے بیٹے کا ننھا سا ہاتھ اپنے ہاتھوں میں تھامی ہوئی ہیں۔ساتھ ہی اپنی پوسٹ میں انہوں نے اپنے اور اپنے شوہر کے بیٹے کی پیدائش کے حوالے سے جذبات بھی شئیر کئے اور بتایا کہ انہوں نے اپنے بیٹے کا نام ایویان رکھا ہے-
ساتھ ہی اداکارہ نے مداحوں کا ان کے لئے نیک تمناؤں اور دعاؤں کے لئے شکریہ ادا کیا-
Congratulations @deespeak 😘♥️ Wishing you and the little one lots of love & good health…. Big hug & love to your growing family.
— Sonali Bendre Behl (@iamsonalibendre) July 14, 2021
اداکارہ کو بیٹے کی پیدائش پربالی ووڈ اداکارہ سونالی بنیدرے سمیت دیگر ساتھی فنکاروں معروف شخصیات اور مداحوں کی جانب سے مبارکبادوں کا سلسلہ جاری ہے-
واضح رہے کہ دیا مرزا کی ویبھو ریکھی کے ساتھ یہ دوسری شادی ہے۔ اس سے قبل انہوں نے پہلی شادی 2014 میں ایک بزنس مین اور فلم پروڈیوسر ساحل سنگھا سے کی تھی۔ تاہم دونوں نے 2019 میں علیحدگی اختیار کرلی تھی۔ بعد ازاں انہوں نے گزشتہ برس کاروباری شخص ویبھو ریکھی سے دوسری شادی کی تھی۔
